បរទេស៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី២៣ ខែតុលាថា អ្នកជំនាញជនជាតិអាហ្រ្វិកខាងត្បូងម្នាក់បានបញ្ជាក់ថា BRICS បានផ្តល់ជម្រើសថវិកាបន្ថែមទៀត ដើម្បីគាំទ្រដល់ការអភិវឌ្ឍន៍ក្នុងប្រទេសកំពុងរីកចម្រើន និងពង្រឹងសំឡេងរបស់ Global South ក្នុងទំនាក់ទំនងអន្តរជាតិ។
លោក Emmanuel Matambo នាយកស្រាវជ្រាវនៃមជ្ឈមណ្ឌលសម្រាប់ការសិក្សាអាហ្រ្វិក-ចិននៅសាកលវិទ្យាល័យ Johannesburg បានធ្វើការកត់សម្គាល់ក្នុងអំឡុងពេលបទសម្ភាសន៍ថ្មីៗនេះជាមួយស៊ីនហួ។
លោក Matambo បានកត់សម្គាល់ថា BRICS បានផ្តល់ជម្រើសថវិកាជំនួសសម្រាប់ទីផ្សារដែលកំពុងរីកចម្រើន និងប្រទេសកំពុងអភិវឌ្ឍន៍ ដែលអនុញ្ញាតឱ្យពួកគេដោះស្រាយបញ្ហាដូចជា ការអភិវឌ្ឍន៍ហេដ្ឋារចនាសម្ព័ន្ធ វិបត្តិថាមពល និងការប្រែប្រួលអាកាសធាតុ។
លោកបានបន្តថា នេះជារឿងសំខាន់ព្រោះប្រទេសទាំងនេះតែងតែប្រឈមនឹងលក្ខខណ្ឌតឹងរ៉ឹងពីស្ថាប័នលោកខាងលិចដូចជាធនាគារពិភពលោកនិងមូលនិធិរូបិយវត្ថុអន្តរជាតិ (IMF)។
លោកបានកត់សម្គាល់ថា ការអភិវឌ្ឍន៍ដ៏សំខាន់បំផុតក្នុងន័យនេះគឺការបង្កើតធនាគារអភិវឌ្ឍន៍ថ្មីក្នុងឆ្នាំ២០១៥ ដែលផ្តល់ប្រាក់កម្ចីអំណោយផលជាងប្រាក់កម្ចីពី IMF ឬធនាគារពិភពលោក។
អ្នកជំនាញរូបនេះបានបន្តថា BRICS ជំរុញឱ្យមានការបង្កើតសណ្តាប់ធ្នាប់អន្តរជាតិដែលត្រឹមត្រូវ និងស្ថិរភាពជាងមុន ដោយផ្អែកលើកិច្ចសហប្រតិបត្តិការសេដ្ឋកិច្ច សន្តិសុខនយោបាយ និងការផ្លាស់ប្តូរវប្បធម៌។
លោកបានកត់សម្គាល់ថា BRICS បានកោះប្រជុំកំពូលរួមវិសាមញ្ញកាលពីខែវិច្ឆិកាឆ្នាំមុន ដើម្បីដោះស្រាយស្ថានការណ៍នៅហ្គាហ្សា។ មេដឹកនាំដែលចូលរួមកិច្ចប្រជុំកំពូលបានសម្តែងការព្រួយបារម្ភយ៉ាងខ្លាំងចំពោះស្ថានភាពប៉ាឡេស្ទីន-អ៊ីស្រាអែល ហើយបានថ្កោលទោសរាល់អំពើហឹង្សាលើជនស៊ីវិល។
លោលោកបានបន្ថែមថា រណសិរ្សការទូតបង្រួបបង្រួមនេះបានពង្រឹងសំឡេងអន្តរជាតិរបស់ BRICS។
ក្នុងឆ្នាំ២០០៦ រដ្ឋមន្ត្រីការបរទេសប្រេស៊ីល រុស្ស៊ី ឥណ្ឌា និងចិនបានបើកកិច្ចប្រជុំមួយដែលបង្ហាញពីការចាប់ផ្តើមកិច្ចសហប្រតិបត្តិការ BRIC។ ជាការឆ្លើយតបទៅនឹងវិបត្តិហិរញ្ញវត្ថុអន្តរជាតិឆ្នាំ២០០៨ មេដឹកនាំនៃប្រទេសទាំងបួនបានបើកកិច្ចប្រជុំនៅប្រទេសរុស្ស៊ីក្នុងខែមិថុនាឆ្នាំ២០០៩ ហើយបានបើកដំណើរការជាផ្លូវការនូវយន្តការសហប្រតិបត្តិការ BRIC។
នៅខែធ្នូ ឆ្នាំ២០១០ ប្រទេសទាំងបួនបានទទួលស្គាល់ជាផ្លូវការនូវអាហ្រ្វិកខាងត្បូងក្នុងការដាក់ជាក្រុម ដោយប្រែក្លាយ BRIC ទៅជា BRICS។ នៅក្នុងកិច្ចប្រជុំកំពូលកាលពីឆ្នាំមុន ក្រុមនេះបានធ្វើការសម្រេចចិត្តដ៏សំខាន់មួយលើការពង្រីកបន្ថែមទៀត។
អ្នកជំនាញបានបញ្ជាក់ថា BRICS ចាត់ទុកសមាជិកនីមួយៗស្មើភាពគ្នាក្នុងការសម្រេចចិត្ត ហើយប្រទេសនានាត្រូវបានទាក់ទាញចំពោះរចនាសម្ព័ន្ធសមភាពនេះ។
