ឧត្តមសេនីយ៍ទោ សេង ធារិន អញ្ជើញបិទវគ្គហ្វឹកហ្វឺនចំនួន៣វគ្ក និងបើកវគ្គហ្វឹកហ្វឺនចំនួន២វគ្គ នៅនៅទីលានបាញ់គ្រាប់ពិតភ្នំផ្គាំឆ្នាំ២០២៤

ភ្នំពេញ៖ ឧត្តមសេនីយ៍ទោ សេង ធារិន មេបញ្ជាការស្ដីទី យោធភូមិភាគទី៥ នាថ្ងៃទី១៦ ខែតុលា ឆ្នាំ២០២៤ អញ្ជើញបិទវគ្គហ្វឹកហ្វឺនបំប៉នពង្រឹងវរសេនាតូចថ្មើរជើងលេខ៥១៣ វគ្គហ្វឹកហ្វឺនបំប៉នជំនាញ ស៊ើបការណ៍ប្រដាប់អាវុធនិងក្បាច់គុន ខ.ភ.ម វរសេនាតូចថ្មើរជើងលេខ៥១៤ និងបើកវគ្គហ្វឹកហ្វឺនបំប៉នជំនាញស៊ើបការណ៍ប្រដាប់អាវុធ និងក្បាច់គុន ខ.ភ.ម វរសេនាតូចថ្មើរជើងលេខ៥១៣ នៅទីលានបាញ់គ្រាប់ពិតភ្នំផ្គាំឆ្នាំ២០២៤ ។

សូមបញ្ជាក់ផងដែរថា វគ្គហ្វឹកហ្វឺនបំប៉នពង្រឹងវរសេនាតូចថ្មើរជើងលេខ៥១៣ វគ្គហ្វឹកហ្វឺនបំប៉នជំនាញ ស៊ើបការណ៍ប្រដាប់អាវុធនិងក្បាច់គុន ខ.ភ.ម វរសេនាតូចថ្មើរជើងលេខ៥១៤ សិក្ខាកាមទទួលបាន
-និទ្ទេសល្អ៣៨នាក់ ស្មើ ៣៨%
-និទ្ទេសល្អបង្គួរ៥៧នាក់ ស្មើ ៥៧%
-និទ្ទេសមធ្យម៥នាក់ ស្មើ ៥%
-ទទួលបានលិខិតសរសើរចំនួន ១០ នាក់
និងបើកវគ្គហ្វឹកហ្វឺនបំប៉នជំនាញស៊ើបការណ៍ប្រដាប់អាវុធ និងក្បាច់គុន ខ.ភ.ម វរសេនាតូចថ្មើរជើងលេខ៥១៣មានសិក្ខាកាមចំនួន១០០នាក់ សិក្សារយៈពេល៤៥ថ្ងៃ ។

ឧត្តមសេនីយ៍ទោ សេង ធារិន មានប្រសាសន៏ថាថ្វីត្បិតតែបច្ចុប្បន្ន ព្រះជាណាចក្រកម្ពុជាយើងមានសុខសន្តិភាពក៏ពិតមែន តែកងទ័ពត្រូវតែធ្វើការហ្វឹកហ្វឺន និងហ្វឹកហាត់ជាប់ជាប្រចាំ សំដៅលើកកម្ពស់ សមត្ថភាព ចំណេះដឹង ចំណេះធ្វើ និងជំនាញពិតប្រាកដ ឆ្លើយតបទាន់ពេលវេលាទៅនឹងភារកិច្ចការពារជាតិ ការពារបូរណភាពទឹកដី រក្សាឲ្យបានសុខសន្តិភាព ស្ថិររភាព និងសុវត្ថិភាពជូនប្រជាពលរដ្ឋ និងសង្គមជាតិទាំងមូលផងដែរ សិក្ខាកាមទាំងអស់ត្រូវមានភាពតស៊ូពុះពារ ខិតខំរៀនសូត្រ ត្រូវយកចិត្តទុកដាក់ស្តាប់យោធាចារ្យបង្ហាត់បង្រៀន អនុវត្តឲ្យបានក្នុងវគ្គហ្វឹកហ្វឹននេះឲ្យបានម៉ឺងម៉ាត់ និងខិតខំប្រឹងប្រែងយកចិត្តទុកដាក់ ដើម្បីបង្កើនពង្រឹង ពង្រីកចំណេះដឹងបន្ថែម ដោយផ្ដោតទៅលើមេរៀនសំខាន់ៗក្នុងវគ្គនេះ សំដៅកសាងធនធានមនុស្សឲ្យមានសមត្ថភាពក្នុងការបន្តដឹកនាំ អង្គភាព ឲ្យកាន់តែរីកចំរើននិងអភិវឌ្ឍ ស្របទៅតាមការកំណែទម្រង់សមត្ថភាពនៃកងយោធពលខេមរភូមិន្ទ នាសម័យជីឌីថល ។ ការហ្វឹកហ្វឺនរៀនសូត្រនេះដែរក្នុងនាមជាកងទ័ព ក៏ដូចជាសិក្ខាកាម នៃវគ្គហ្វឹកហ្វឺននេះដែរ ត្រូវស្មោះត្រង់ចំពោះជាតិ សាសនា ព្រះមហាក្សត្រ ការពារសុខសន្តិភាព ការពាររដ្ឋធម្មនុញ្ញ ការពាររារដ្ឋាភិបាលស្របច្បាប់ដែលមាន សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ទោះស្ថិតក្នុងតម្លៃណាក៏ដោយ។

ឯកឧត្តម មេបញ្ជាការស្តីទី បានសង្តត់ធ្ងន់ថា ចំពោះគ្រូយោធាចារ្យត្រូវយកចិត្តទុកប្រើប្រាស់សមត្ថភាពជំនាញរបស់ខ្លួនដើម្បីបង្ហាត់បង្រៀននិងផ្ទេរចំណេះដឹង ចំណេះធ្វើនិងបទពិសោធន៏ល្អៗជូនដល់សិក្ខាកាមដើម្បីងាយយល់ សង្ឃឹមថាពេលបញ្ចប់វគ្គទទួលបានលទ្ធផលល្អ និងត្រូវជៀសឆ្ងាយអោយផុតពីគ្រឿងញៀន។
ជាចុងបញ្ជាប់ ឯកឧត្តម ឧត្តមសេនីយ៍ទោ សេង ធារិន បានប្រគល់លិខិតបញ្ជាក់ការសិក្សា និងប័ណ្ណសរសើរ ជូនដល់សិក្ខាកាម និងឧបត្ថម្ភថវិកាដល់ការបើកនិងបិទវគ្គ ចំនួន ២.០០០.០០០រៀល និងប្រកាសបិទវគ្គនិងបើកវគ្គចាប់ពីពេលនេះតទៅ៕