រដ្ឋមន្ត្រីក្រសួងធនធានទឹក ចុះពិនិត្យវឌ្ឍនភាពគម្រោងអភិវឌ្ឍន៍ធនធានទឹក ក្នុងភូមិសាស្ត្រខេត្តកំពង់ធំ
ភ្នំពេញ៖ ឆ្លៀតក្នុងឱកាសបំពេញបេសកកម្មការងារនៅខេត្តកំពង់ធំ នៅរសៀលថ្ងៃអាទិត្យ ១១កើត ខែអស្សុជ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៣ ខែតុលា ឆ្នាំ២០២៤នេះ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម អមដំណើរដោយឯកឧត្តមជាថ្នាក់ដឹកនាំ មន្ត្រីបច្ចេកទេសក្រសួង និងមន្ទីរធនធានទឹក និងឧតុនិយមខេត្តកំពង់ធំ បានអញ្ជើញចុះពិនិត្យវឌ្ឍនភាពការងារស្តារស្ទឹងស្លាប់នៃគម្រោងអភិវឌ្ឍន៍ទំនប់ស្ទាក់ទឹកកំពង់គោ ក្នុងខេត្តកំពង់ធំ។
សូមជម្រាបថា គម្រោងស្តារស្ទឹងស្លាប់មានការងារសំខាន់ៗដូចជា៖ ទី១).ស្ដារស្ទឹងស្លាប់ប្រវែង ៣០គីឡូម៉ែត្រ មានទំហំបាតក្រោម ២០ម៉ែត្រ មាត់លើ ៦០ម៉ែត្រ មានខ្នងទំនប់សងខាងទំហំ ៦ម៉ែត្រ និងទី២).សាងសង់សំណង់សិល្បការ្យតូចធំប្រមាណ ១១៧កន្លែង។ គម្រោងនេះមានសក្ដានុពលជួយរំដោះទឹក និងពង្វាងទឹកជំនន់ក្នុងបរិមាណ ៣០០ម៉ែត្រគូបក្នុងមួយវិនាទីពីក្រុងស្ទឹងសែន និងតំបន់ជុំវិញ និងបានដើរតួនាទីយ៉ាងសំខាន់ផងដែរក្នុងការនាំទឹក និងផ្តល់ទឹកសម្រាប់ការប្រើប្រាស់ និងស្រោចស្រពផ្ទៃដីបង្កបង្កើនផល នៅក្នុងក្រុង-ស្រុកចំនួន ៥នៃខេត្តកំពង់ធំ ដែលរួមមានក្រុងស្ទឹងសែន ស្រុកកំពង់ស្វាយ ស្រុកសន្ទុក ស្រុកប្រាសាទបល្ល័ង្គ និងស្រុកសណ្តាន់។ គិតមកដល់ពេលនេះ វឌ្ឍនភាពការងារសម្រេចបាន ៣៥%។
ក្នុងឱកាសនោះដែរ ឯកឧត្តមរដ្ឋមន្ត្រី និងគណៈប្រតិភូអមដំណើរក៏បានអញ្ជើញចុះពិនិត្យស្ថានភាពអាងទឹកស្ទឹងជីនិតស្ថិតនៅក្នុងឃុំព្នៅ ស្រុកសន្ទុក និងឃុំត្នោតជុំ ស្រុកបារាយណ៍ ខេត្ដកំពង់ធំ។
សូមញ្ជាក់ថា អាងស្ទឹងជីនិតមានផ្ទៃដី ៨២៣៦គីឡូម៉ែត្រក្រឡា គ្របដណ្ដប់លើផ្ទៃដីខេត្ដចំនួន ៦រួមមាន៖ ខេត្ដកំពង់ធំ ខេត្ដកំពង់ចាម ខេត្ដកំពង់ឆ្នំាង ខេត្ដក្រចេះ ខេត្ដព្រះវិហារ និងខេត្ដស្ទឹងត្រែង។ ក្នុងគោលបំណងដើម្បីសម្រួលដល់ការប្រើប្រាស់ ក៏ដូចជាការធ្វើដំណាំកសិកម្មរបស់បងប្អូនប្រជាពលរដ្ឋនៅតាមដងស្ទឹងនេះ ក្រសួងធនធានទឹក និងឧតុនិយម បានសាងសង់សំណង់ស្ទាក់ទឹកចំនួន ២កន្លែង គឺ៖ ទី១).សំណង់បង្ហៀរទំនប់អាងទឹក១មករា ស្ថិតក្នុងឃុំកំពង់ថ្ម ស្រុកសន្ទុក ខេត្ដកំពង់ធំ មានសមត្ថភាពស្ដុកទឹកបានប្រមាណ ៣៩លានម៉ែត្រគូប និងមានលទ្ធភាពក្នុងការស្រោចស្រពស្រូវប្រំាងប្រមាណ ៩២០០ហិកតា និងស្រូវវស្សា ១៩៥០០ហិកតា និងទី២).សំណង់ស្ទាក់ទឹកស្ទឹងជីនិតព្នៅកងមាស ស្ថិតនៅក្នុងឃុំត្នោតជុំ ស្រុកបារាយណ៍ ខេត្ដកំពង់ធំ ៕
ភ្នំពេញ៖ ឆ្លៀតក្នុងឱកាសបំពេញបេសកកម្មការងារនៅខេត្តកំពង់ធំ នៅរសៀលថ្ងៃអាទិត្យ ១១កើត ខែអស្សុជ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៣ ខែតុលា ឆ្នាំ២០២៤នេះ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម អមដំណើរដោយឯកឧត្តមជាថ្នាក់ដឹកនាំ មន្ត្រីបច្ចេកទេសក្រសួង និងមន្ទីរធនធានទឹក និងឧតុនិយមខេត្តកំពង់ធំ បានអញ្ជើញចុះពិនិត្យវឌ្ឍនភាពការងារស្តារស្ទឹងស្លាប់នៃគម្រោងអភិវឌ្ឍន៍ទំនប់ស្ទាក់ទឹកកំពង់គោ ក្នុងខេត្តកំពង់ធំ។
សូមជម្រាបថា គម្រោងស្តារស្ទឹងស្លាប់មានការងារសំខាន់ៗដូចជា៖ ទី១).ស្ដារស្ទឹងស្លាប់ប្រវែង ៣០គីឡូម៉ែត្រ មានទំហំបាតក្រោម ២០ម៉ែត្រ មាត់លើ ៦០ម៉ែត្រ មានខ្នងទំនប់សងខាងទំហំ ៦ម៉ែត្រ និងទី២).សាងសង់សំណង់សិល្បការ្យតូចធំប្រមាណ ១១៧កន្លែង។ គម្រោងនេះមានសក្ដានុពលជួយរំដោះទឹក និងពង្វាងទឹកជំនន់ក្នុងបរិមាណ ៣០០ម៉ែត្រគូបក្នុងមួយវិនាទីពីក្រុងស្ទឹងសែន និងតំបន់ជុំវិញ និងបានដើរតួនាទីយ៉ាងសំខាន់ផងដែរក្នុងការនាំទឹក និងផ្តល់ទឹកសម្រាប់ការប្រើប្រាស់ និងស្រោចស្រពផ្ទៃដីបង្កបង្កើនផល នៅក្នុងក្រុង-ស្រុកចំនួន ៥នៃខេត្តកំពង់ធំ ដែលរួមមានក្រុងស្ទឹងសែន ស្រុកកំពង់ស្វាយ ស្រុកសន្ទុក ស្រុកប្រាសាទបល្ល័ង្គ និងស្រុកសណ្តាន់។ គិតមកដល់ពេលនេះ វឌ្ឍនភាពការងារសម្រេចបាន ៣៥%។
ក្នុងឱកាសនោះដែរ ឯកឧត្តមរដ្ឋមន្ត្រី និងគណៈប្រតិភូអមដំណើរក៏បានអញ្ជើញចុះពិនិត្យស្ថានភាពអាងទឹកស្ទឹងជីនិតស្ថិតនៅក្នុងឃុំព្នៅ ស្រុកសន្ទុក និងឃុំត្នោតជុំ ស្រុកបារាយណ៍ ខេត្ដកំពង់ធំ។
សូមញ្ជាក់ថា អាងស្ទឹងជីនិតមានផ្ទៃដី ៨២៣៦គីឡូម៉ែត្រក្រឡា គ្របដណ្ដប់លើផ្ទៃដីខេត្ដចំនួន ៦រួមមាន៖ ខេត្ដកំពង់ធំ ខេត្ដកំពង់ចាម ខេត្ដកំពង់ឆ្នំាង ខេត្ដក្រចេះ ខេត្ដព្រះវិហារ និងខេត្ដស្ទឹងត្រែង។ ក្នុងគោលបំណងដើម្បីសម្រួលដល់ការប្រើប្រាស់ ក៏ដូចជាការធ្វើដំណាំកសិកម្មរបស់បងប្អូនប្រជាពលរដ្ឋនៅតាមដងស្ទឹងនេះ ក្រសួងធនធានទឹក និងឧតុនិយម បានសាងសង់សំណង់ស្ទាក់ទឹកចំនួន ២កន្លែង គឺ៖ ទី១).សំណង់បង្ហៀរទំនប់អាងទឹក១មករា ស្ថិតក្នុងឃុំកំពង់ថ្ម ស្រុកសន្ទុក ខេត្ដកំពង់ធំ មានសមត្ថភាពស្ដុកទឹកបានប្រមាណ ៣៩លានម៉ែត្រគូប និងមានលទ្ធភាពក្នុងការស្រោចស្រពស្រូវប្រំាងប្រមាណ ៩២០០ហិកតា និងស្រូវវស្សា ១៩៥០០ហិកតា និងទី២).សំណង់ស្ទាក់ទឹកស្ទឹងជីនិតព្នៅកងមាស ស្ថិតនៅក្នុងឃុំត្នោតជុំ ស្រុកបារាយណ៍ ខេត្ដកំពង់ធំ ៕
