ភ្នំពេញ៖ នាព្រឹកថ្ងៃទី២៨ ខែសីហា ឆ្នាំ២០២៤នេះ ឯកឧត្តម ម៉ែន វិបុល ប្រធានក្រុមប្រឹក្សាខេត្តស្វាយរៀង និងឯកឧត្តម ប៉េង ពោធិ៍សា អភិបាលអភិបាលខេត្ត បានអញ្ជើញជួបប្រជុំជាមួយ លោកជំទាវ និន សាផុន ប្រធានគណៈកម្មការ សាធារណការ ដឹកជញ្ជូន អាកាសចរណ៍ស៊ីវិល ប្រៃសណីយ៍ ទូរគមនាគមន៍ ឧស្សាហកម្ម វិទ្យាសាស្ត្រ បច្ចេកវិទ្យា នវានុវត្តន៍ រ៉ែ ថាមពល ពាណិជ្ជកម្ម រៀបចំដែនដី នគរូបនីយកម្ម និងសំណង់ នៃរដ្ឋសភា ជាមួយរដ្ឋបាលខេត្តស្វាយរៀង។
កិច្ចប្រជុំនេះមានមានការអញ្ជេីញចូលរួមពី ឯកឧត្តម លោកជំទាវ គណៈប្រតិភូ គណៈកម្មការទី៩ នៃរដ្ឋសភា ឯកឧត្តមអភិបាលរងខេត្ត លោកនាយករងរដ្ឋបាលសាលាខេត្ត លោកអនុប្រធានមន្ទីរសាធារណការ និងដឹកជញ្ជូនលោកអនុប្រធានមន្ទីរប្រៃសណីយ៍ និងទូរគមនាគមន៍ លោកអនុប្រធានមន្ទីរឧហ្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ លោប្រធានមន្ទីររ៉ែ និងថាមពល លោកប្រធានមន្ទីរពាណិជ្ជកម្ម លោកអនុប្រធានមន្ទីររៀបចំដែនដី នគរូបនីយកម្ម និងសំណង់ លោកអនុប្រធានសាខាការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំខេត្តស្វាយរៀង ព្រមទាំងមន្រ្តីពាក់ព័ន្ធមួយចំនួនទៀត។
កិច្ចប្រជុំនេះមានគោលបំណង ដើម្បីឈ្វេងយល់អំពីប្រសិទ្ធភាពការងារនៃការអនុវត្តច្បាប់ និងគោលនយោបាយនានា ពាក់ព័ន្ធនឹងវិស័យទាំង៧ ខាងលេី ដែលបានអនុវត្តកន្លងមក និងធ្វេីការពិភាក្សាជំរុញបន្ថែមលើការងារវិស័យទាំង៧នេះ ឱ្យកាន់តែមានប្រសិទ្ធភាព និងឆ្លើយតបបានទាន់ពេលវេលាទៅលេីតម្រូវការជាក់ស្តែងក្នុងការចូលរួមអភិវឌ្ឍខេត្ត និងលេីកកម្ពស់ជីវភាពរស់នៅរបស់ប្រជាពលរដ្ឋនាពេលបច្ចុប្បន្ន និងទៅអនាគ៕
