គណៈកម្មការទី១ នៃរដ្ឋសភា ចុះសិក្សាស្វែងយល់អំពីវឌ្ឍនភាពការងារលើវិស័យទទួលបន្ទុករបស់គណៈកម្មការនៅខេត្តសៀមរាប
ភ្នំពេញ៖ នាព្រឹកថ្ងៃទី១៥ ខែសីហា ឆ្នាំ២០២៤ ដោយមានការអនុញ្ញាតពី សម្ដេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា គណៈកម្មការសិទ្ធិមនុស្ស ទទួលពាក្យបណ្ដឹងនិងអង្កេត និងអធិការកិច្ច នៃរដ្ឋសភា ដឹកនាំដោយ ឯកឧត្តម សរ ចំរុង ប្រធានគណៈកម្មការ រួមដំណើរដោយ ឯកឧត្តម ឈឹម ម៉ា តំណាងរាស្ត្រមណ្ឌលខេត្តសៀមរាប បានអញ្ជើញជួបប្រជុំពិភាក្សាការងារជាមួយ ឯកឧត្តម តោ គិមស៊ាន ប្រធានក្រុមប្រឹក្សាខេត្តសៀមរាប ឯកឧត្តម អុឹង គឹមលាង អភិបាលខេត្តសៀមរាបស្តីទី និងសហការី ដើម្បីស្វែងយល់អំពីវឌ្ឍនភាពការងារ និងយន្តការដោះស្រាយទំនាស់ដីធ្លីរបស់អាជ្ញាធរខេត្ត នៅសាលប្រជុំសាលាខេត្តសៀមរាប៕
