មេបញ្ជាការអាវុធហត្ថខេត្តកំពង់ធំ បើកកិច្ចប្រជុំត្រួតពិនិត្យការអនុវត្តតួនាទី ភារកិច្ច និងវឌ្ឍនភាព ការងារកងរាជអាវុធហត្ថខែកក្កដា ទិសដៅការងារខែសីហា ឆ្នាំ២០២៤
ភ្នំពេញ៖ នៅបញ្ជាករដ្ឋានកងរាជអាវុធហត្ថខេត្តកំពង់ធំនារសៀលថ្ងៃទី១៥ ខែកក្កដា ឆ្នាំ ២០២៤ លោកឧត្តមសេនីយ៍ត្រី មាស យ៉ត មេបញ្ជាការ កងរាជអាវុធហត្ថខេត្ត កំពង់ធំ បានអញ្ជើញជា អធិបតីភាពក្នុងពិធីប្រជុំត្រួតពិនិត្តការអនុវត្តតួនាទី ភារកិច្ច និងវឌ្ឍនភាព ការងារ កងរាជអាវុធហត្ថ ខែកក្កដា ទិសដៅការងារ ខែសីហា ឆ្នាំ ២០២៤ ដោយមានការ អញ្ជើញ ចូលរួម ពីសំណាក់ លោក លោកស្រី មេបញ្ជាការរងខេត្ត លោក នាយ នាយសេនាធិការ រង លោក ប្រធានមន្ទីរ លោក នាយការិយាល័យ ទាំង ៣ ប្រធានអង្គភាព និង មេបញ្ជាការ មូលដ្ឋាន ក្រុង ស្រុក ទាំង៩។
ក្នុងនោះដែរលោក ឧត្តមសេនីយ៍ត្រី មេបញ្ជាការ បានដាក់បទបញ្ជាដល់តាមមន្ទីរអង្គភាព មេបញ្ជាការមូលដ្ឋានក្រុង-ស្រុកត្រូវលុបបំបាត់ឲ្យខានតែបាន អំពីបញ្ហាគ្រឿងញៀនមូលដ្ឋានរបស់ខ្លួនជាពិសេសក្មេងទំនើង និងគ្រោះថ្នាក់ចរាចរណ៍ផ្សេងៗ ដែលកើតមានមូលដ្ឋានរបស់ក្រុង ស្រុករបស់ខ្លួន។
ក្នុងឱកាសនោះ លោកឧត្តមសេនីយ៍ត្រី មេបញ្ជាការ បានឲ្យមន្ត្រីជំនាញ បន្តចុះផ្សព្វផ្សាយ ស្ដីពីច្បាប់គ្រឿងញៀន និងផលប៉ះពាន់ នៃគ្រឿងញៀន និងបញ្ហាក្មេងទំនើង ដល់សិស្សានុសិស្ស បងប្អូនប្រជាពលរដ្ឋ នៅតាមសាលារៀន ទីប្រជុំជនជាដើម៕
