ឃាត់ខ្លួនបុរសម្នាក់ ពាក់ព័ន្ធករណីបំផ្លាញដើមក្ងោកដែលដាំលម្អផ្លូវ នៅតាមតំបន់ឆ្នេរក្នុងក្រុងព្រះសីហនុ
ភ្នំពេញ៖ កូនដើមក្ងោកនិងដើមផ្កាផ្សេងទៀតដែលរដ្ឋបាលខេត្តបានដាំលំម្អនៅតាមសួននិងនៅតាមដងផ្លូវ តាមតំបន់ឆ្នេរក្នុងក្រុងព្រះសីហនុ ត្រូវបានបុរសម្នាក់កាច់បំផ្លាញចោលអស់ជាច្រើនដើម ក្នុងខណៈពេលដែរកូនឈើក្ងោកកំពុងដុះលូតលាស់បានល្អ ត្រូវកម្លាំងសមត្ថកិច្ចនគរបាលប៉ុស្តិ៍រដ្ឋបាលសង្កាត់លេខ១ឃាត់ខ្លួន។
ការស្រាវជ្រាវកំណត់មុខសញ្ញា និងឈានទៅចាប់ឃាត់ខ្លួននេះបានធ្វើឡើងនៅរសៀលថ្ងៃទី៨ ខែកក្កដា ឆ្នាំ២០២៤ ខណៈពេលជននេះកំពុងដើរតាមផ្លូវ។
ក្រោយចាប់ឃាត់ខ្លួន ជនសង្ស័យត្រូវសមត្ថកិច្ចបញ្ជូនបន្តទៅអធិការដ្ឋាននគរបាលក្រុងព្រះសីហនុហើយ ដើម្បីសួរនាំ និងចាត់ការទៅតាមផ្លូវច្បាប់៕
