បុរសដែលបានចាក់សម្លាប់មេដឹកនាំប្រឆាំងកូរ៉េខាងត្បូង ត្រូវបានតុលាការកាត់ទោស ឱ្យជាប់ពន្ធនាគារ

សេអ៊ូល៖ ទីភ្នាក់ងារព័ត៌មាន យ៉ុនហាប់ បានរាយការណ៍ថា បុរសវ័យ៦៧ឆ្នាំ ដែលបានចាក់សម្លាប់ មេដឹកនាំគណបក្សប្រជាធិបតេយ្យ របស់កូរ៉េខាងត្បូង កាលពីខែមករា ត្រូវបានតុលាការកាត់ទោស ឱ្យជាប់ពន្ធនាគារ ១៥ឆ្នាំ កាលពីថ្ងៃសុក្រ។

នៅក្នុងសវនាការកាត់ទោសនៅតុលាការស្រុក Busan ចៅក្រមម្នាក់បានឲ្យដឹងថា ឧក្រិដ្ឋកម្មដែលបានកើតឡើងនៅមុនការបោះឆ្នោតសកល គឺជាបញ្ហាប្រឈមដ៏ធ្ងន់ធ្ងរ និងការប៉ុនប៉ងបំផ្លាញលទ្ធិប្រជាធិបតេយ្យតំណាង នេះបើយោងតាមរបាយការណ៍របស់ទីភ្នាក់ងារព័ត៌មាន យ៉ុនហាប់។

លោក Lee Jae-myung ដែលទើបនឹងលាលែងពីតំណែងជាមេដឹកនាំគណបក្សប្រជាធិបតេយ្យ ត្រូវបានចាក់ចំកញ្ចឹងក ខណៈពេលដែលទៅទស្សនាទីក្រុងប៊ូសានភាគខាងត្បូងកាលពីខែមករា។

ការវាយប្រហារនេះត្រូវបានថ្កោលទោសថាជាអំពើភេរវកម្ម និងជាបញ្ហាប្រឈមចំពោះលទ្ធិប្រជាធិបតេយ្យដោយប្រធានាធិបតីកូរ៉េខាងត្បូង លោក Yoon Suk Yeol និងអ្នកនយោបាយមកពីទាំងគណបក្សកាន់អំណាច និងគណបក្សប្រឆាំង។

គណបក្សរបស់លោក Lee Jae-myung បានទទួលជ័យជម្នះភ្លូកទឹកភ្លូកដីនៅក្នុងការបោះឆ្នោតសភាកាលពីខែមេសា ដោយបានធ្វើឱ្យមានការប៉ះទង្គិចយ៉ាងខ្លាំងដល់ប្រធានាធិបតី Yoon Suk Yeol និងគណបក្សអភិរក្សរបស់លោក ប៉ុន្តែបានធ្លាក់ចុះនូវសំឡេងភាគច្រើនលើសលប់។

លោក Lee Jae-myung បានចាញ់ការបោះឆ្នោតប្រធានាធិបតីឆ្នាំ២០២២ យ៉ាងចង្អៀត ហើយកំពុងត្រូវបានកាត់ទោសលើការចោទប្រកាន់ពីបទស៊ីសំណូក ដែលលោកបានបដិសេធ។