សាខាកាកបាទក្រហមកម្ពុជា ខេត្តតាកែវ រៀបចំពិធីប្រកាសតែងតាំងប្រធានកិត្តិយស សាខាកាកបាទក្រហមកម្ពុជាខេត្ត អាណត្តិទី៥ និងអបអរខួបទី១៦១ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ២០២៤
ភ្នំពេញ៖ នាព្រឹកថ្ងៃសៅរ៍ ទី២២ ខែមិថុនា ឆ្នាំ២០២៤ លោកជំទាវ ពុំ ចន្ទីនី អគ្គលេខាធិការកាកបាទក្រហមកម្ពុជា បានអញ្ជើញប្រកាសតែងតាំង ឯកឧត្តម បណ្ឌិត ជា វ៉ាន់ដេត រដ្ឋមន្រ្តីក្រសួងប្រៃសណីយ៍ និងទូរគមនាគមន៍ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តតាកែវ ជាប្រធានកិត្តិយសសាខាកាកបាទក្រហមកម្ពុជា ខេត្តតាកែវ ព្រមទាំងអបអរសាទរខួបទិ១៦១ ទិវាទិវាពិភពលោកកាកបាទក្រហម និងអឌ្ឍចន្ទក្រហម ៨ឧសភា ២០២៤ ក្រោមប្រធានបទ «រួមគ្នាជាមួយកាកបាទក្រហមកម្ពុជា ដើម្បីសហគមន៍មានសុខភាពល្អ និងមានភាពធន់នឹងអាកាសធាតុ» ដែលបានរៀបចំធ្វើឡើងនៅសាលប្រជុំរដ្ឋបាលខេត្តតាកែវ។
ពិធីនេះក៏មានការ អញ្ជើញចូលរួមពីសំណាក់ ឯកឧត្តម លោកជំទាវ ប្រតិភូអមដំណើរ លោក លោស្រី អភិបាលរងខេត្ត លោក លោកស្រី ប្រធាន អនុប្រធានមន្ទីរ អង្គភាពជុំវិញខេត្ត កងម្លាំងប្រដាប់អាវុធទាំង ៣ប្រភេទ និង អភិបាល អភិបាលរង ក្រុងស្រុកទាំងអស់ ព្រមទាំងសប្បុរសជន ភ្ញៀវជាតិ និងភ្ញៀវអន្តរជាតិ ជាច្រើនរូបបានចូលរួមផងដែរ។
សូមជម្រាបជូនដែរថា ថវិការដែលសាខាកាកបាទក្រហមកម្ពុជាខេត្តតាកែវ ទទួលបានពី សប្បុរស ជន ជាតិ និងអន្តរជាតិ ដែលបានចូលរួម ក្នុងខួបលើកទី១៦១ ទិវាកាកបាទក្រហមពិភពលោក និង អឌ្ឍចន្ទក្រហម នៅសាលាខេត្តតាកែវ មានចំនួនតួរលេខបណ្ដោះអាសន្ន ចំនួនជាង ១៧,៣១៥៣ម៉ឺន ដុល្លារសហរដ្ឋមេរិក ៕
