ភ្នំពេញ៖ ក្លិបបាល់ទាត់ខេត្តព្រៃវែង សូមជម្រាបជូនអ្នកគាំទ្រនិងសាធារណជនទាំងអស់សូមមេត្តាជ្រាបថា ក្លិបយើង បានបង្កើតក្នុងឆ្នាំ២០២០ស្ថិតក្រោមក្របខណ្ឌសមាគមកីឡាបាល់ទាត់ខេត្តព្រៃវែង ចាប់តាំងពីពេលបង្កើតរហូត មកដល់បច្ចុប្បន្ននេះ ក្លិបកីឡាបាល់ទាត់ខេត្តព្រៃវែងយើង បានខិតខំអភិវឌ្ឍន៍ខ្លួន ដោយទទួលបានលទ្ធផល ឈានឡើងជាលំដាប់ បានកសាងឯកសារគតិយុត្តិដាក់ស្នើសុំអាជ្ញាបណ្ណក្លិបទទួលបានជោគជ័យ ការកសាង និងអភិឌ្ឍន៍ហេដ្ឋារចនាសម្ពន័្ធក៏បានល្អបង្គួរដែរ ធនធានគ្រូបង្វឹក ធនធានកីឡាករ ក៏ក្លិបយើងបានខិតខំអភិវឌ្ឍន៍ បានលទ្ធផលល្អដោយចាប់ផ្តើមពីការចូលរួមប្រកួតពានរង្វាន់ សម្តេចអគ្គមហាសេនាបតីតេជោ ហ៊ុន សែន ថ្នាក់ខេត្តជោគជ័យ ឈានឡើងទៅថ្នាក់ជាតិ ហើយការចូលរួមប្រកួតក្នុងលីគកម្ពុជា បានឈានឡើងពីលីគ២ទៅ កាន់លីគកំពូលកម្ពុជា ធ្វើឲ្យក្លិបយើងទទួលបានការគាំទ្រពីមហាជនដែលស្រឡាញ់វិស័យកីឡាបាល់ទាត់យ៉ាង ច្រើន ជាពិសេសស្រទាប់យុវជនជាតិយើង ។
ដោយពិនិត្យលទ្ធភាពធនធានសម្រាប់ទ្រទ្រង់ដំណើរសកម្មភាពបន្តទៀត មានកម្រិតទាបជាងតម្រូវការ ចាំបាច់ ហេតុនេះក្លិបបានសម្រេចដោយបានជ្រើសយក បញ្ឈប់ការចូលរួមក្នុងព្រឹត្តិការណ៍ប្រកួតនានានិងឈប់ធ្វើ ប្រតិបត្តិការទាំងស្រុង ព្រមទាំងបានដាក់ពាក្យសុំចាកចេញពីសមាជិកសហព័ន្ធកីឡាបាល់ទាត់កម្ពុជា ចាប់ពីពេល នេះតទៅ ពោលគឺរំសាយក្លិបតែម្តង។
ក្លិបកីឡាបាល់ទាត់ខេត្តព្រៃវែង សូមថ្លែងនូវអំណរគុណយ៉ាងជ្រៀលជ្រៅបំផុត ជូនចំពោះស្ថាប័នពាក់ព័ន្ធ ចំពោះសប្បុរសជន ដែលបានឧបត្ថម្ភគាំទ្រដល់ការអភិវឌ្ឍក្លិបនាពេលកន្លងមក ព្រមទាំងសូមអរគុណចំពោះអ្នកគាំ ទ្រនិងសាធារណជនទាំងអស់ ដែលមានសមានចិត្តគាំទ្រចំពោះក្លិបបាល់ទាត់ខេត្តព្រៃវែងនាពេលកន្លងមក និងសូម .ជួនពរបវរសួស្តីសិរីមង្គលវិបុលសុខគ្រប់ប្រការ ព្រមជាមួយនិងពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបី ឃ្លៀងឃ្លាតឡើយ ៕
