ឧបនាយករដ្ឋមន្ត្រី ស សុខា អញ្ជើញប្រកាសសមាសភាពគណៈកម្មាធិការ និងលេខាធិការដ្ឋានប្រយុទ្ធនឹងជំងឺអេដស៍/កាមរោគ ក្រសួងមហាផៃ្ទ និងផ្សព្វផ្សាយគោលនយោបាយជាតិបញ្ចប់អេដស៍ និងចីរភាពកម្មវិធីអេដស៍ ឆ្នាំ២០២៣-២០២៨

ភ្នំពេញ៖ នៅរសៀលថ្ងៃទី ២៣ ខែឧសភា ឆ្នាំ ២០២៤នេះ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញជាអធិបតីដ៏ខ្ពង់ខ្ពស់ក្នុងពិធីប្រកាសសមាសភាពគណៈកម្មាធិការ និងលេខាធិការដ្ឋានប្រយុទ្ធនឹងជំងឺអេដស៍/កាមរោគ ក្រសួងមហាផៃ្ទ និងផ្សព្វផ្សាយគោលនយោបាយជាតិបញ្ចប់អេដស៍ និងចីរភាពកម្មវិធីអេដស៍ ឆ្នាំ២០២៣-២០២៨ ដោយមានការអញ្ជើញចូលរួមពីឯកឧត្តមសន្តិបណ្ឌិតរដ្ឋលេខាធិការប្រចាំការ ឯកឧត្ដមលោកជំទាវ រដ្ឋលេខាធិការ អនុរដ្ឋលេខាធិការ អគ្គនាយក អគ្គនាយករង អភិបាលខេត្ត អភិបាលខេត្តរង អគ្គលេខាធិការ នៃអាជ្ញាធរជាតិប្រយុទ្ធនិងជំងឺអេដស៍ ស្នងការ ស្នងការរង អង្គការដៃគូ ព្រមទាំងសមាជិកសមាជិកាជាច្រើនរូប នាទីស្ដីការក្រសួងមហាផ្ទៃ ។

ឆ្លៀតក្នុងឱកាសនេះដែរ ឯកឧត្តមអភិសន្តិបណ្ឌិត ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានផ្ដល់នូវអនុសាសន៍ដល់ខណៈកម្មាធិការជាតិ ហ្នឹងលេខាធិការដ្ឋានប្រយុទ្ធនិងជំងឺអេដស៍ មួយចំនួនដូចខាងក្រោម ៖

១-គណៈកម្មាធិការជាតិ និងគណៈកម្មាធិការថ្នាក់ក្រោមជាតិមានយន្តការក្នុងការចែករំលែកនូវចំណេះដឹងព័ត៌មាននិងរបាយការណ៍ប្រកបដោយស្តង់ដារខ្ពស់និងជាពិសេសការគ្រប់គ្រងបាននៅព័ត៌មាននេះ

២-បង្កើតនៅយន្តការគាំទ្រនិងទិសដៅតាមដានអនុវត្តដល់រដ្ឋបាលថ្នាក់ក្រោមជាតិពិសេសដល់ខេត្តឃុំសង្កាត់

៣-អប់រំបណ្ដុះបណ្ដាលភ្ងាក់ងារអនុវត្តការផ្ដល់សេវាថ្នាក់ជាតិ ថ្នាក់ក្រោមជាតិ មានតួនាទីភារកិច្ចសម្របសម្រួលនិងភាពជាម្ចាស់ការលើបញ្ហាជម្នះបញ្ហាជំងឺអេដស៍ ពិសេសសមត្ថកិច្ចពាក់ព័ន្ធមាន ដៃគូ ស្នងការរង អភិបាលរងរាជធានី -ខេត្ត ត្រូវយកចិត្តទុកដាក់ខ្ពស់ហើយត្រូវបន្តពិនិត្យស្វែងយល់ ស្វ័យសិក្សាអំពីបញ្ហានេះ តើយើងអាចចូលរួមអ្វីបានខ្លះ

៤-ពិនិត្យលទ្ធភាពក្នុងការបង្កើតសកម្មភាពនិងថវិកាសម្រាប់រដ្ឋបាលថ្នាក់ជាតិ ថ្នាក់ក្រោមជាតិ ពិសេសថ្នាក់ឃុំសង្កាត់ ដើម្បីបង្កើតវិធានការនេះ មានការផ្សព្វផ្សាយ ឱ្យទូលំទូលាយពីសំណាក់បងប្អូនជាប្រជាពលរដ្ឋ

៥- កៀរគរធនធានបន្ថែម ទាំងដៃគូអភិវឌ្ឍន៍ ធនធានមនុស្ស សម្ភារ ថវិកា ពង្រឹងនិងពង្រីកយន្តការអភិវឌ្ឍន៍ផ្សព្វផ្សាយជាបន្តបន្ទាប់ ក្រើនរំលឹកជារឿយៗពីបញ្ហាអេដស៊និងបញ្ញាផ្សេងៗដែលអាចបង្កឱ្យឈានដល់ការកើតអេដស៍ជាដើម

៦-សិក្សាស្រាវជ្រាវនិងស្វែងយល់ លើពិភពលោក ជាពិសេសលើបញ្ហាដែលគេអាចសម្រេចបាននូវភាពជោគជ័យ តើគេធ្វើអ្វីបានខ្លះ ហើយដកស្រង់នូវបទពិសោធន៍លើបញ្ហានេះ យកមកអនុវត្តដើម្បី ឱ្យមានប្រសិទ្ធភាពកាន់តែប្រសើរឡើង៕