ទារិកាទើបនឹងកើត ម្តាយយកទៅប្លុងចោលនៅភូមិក្បាលស្ពានពីរ សង្កាត់អូរជ្រៅ ត្រូវបានយកទៅសង្គ្រោះបន្ទាន់នៅមន្ទីរពេទ្យគន្ធបុប្ផាសៀមរាប
ភ្នំពេញ៖ ទារិកាទើបកើតបាន២ទៅ៣ថ្ងៃម្តាយចិត្តអប្រីយ៍យកទៅប្លុងចោលត្រូវបានអាជ្ញាធរក្រុងនិងមន្ត្រីមន្ទីរសង្គមកិច្ចខេត្តបន្ទាយមានជ័យជយយសង្រ្គោះបន្ទាន់ដឹកទៅមន្ទីរពេទ្យគន្ធបុប្ផាខេត្តសៀមរាបនៅថ្ងៃទី១៩ ខែឧសភា ឆ្នាំ២០១២៤នេ។
លោកស្រីថេង ថារី សមាជិកក្រុមប្រឹក្សាក្រុងបានឲ្យដឹងថា៖កាលពីយប់រំលងអធ្រាត្រឈានចូលថ្ងៃទី១៧ ខែឧសភា ឆ្នាំ២០២៤នៅចំណុចផ្លូវក្បែរម្លប់ឫស្សីស្ថិតក្នុងភូមិក្បាលស្ពានពីរ សង្កាត់អូរជ្រៅ ក្រុងប៉ោយប៉ែត នៅពេលប្រទះឃើញទារិកាដែលត្រូវបានម្ដាយអប្រីយ៍យកទៅប្លងចោលគឺនៅពេលមានមេឃភ្លៀងរលឹមស្រិចៗ ឮតែសំឡេងស្រែកយំ ប៉ុន្ត្រែដោយមានការសង្ស័យខណៈសំឡេងយំចេះតែឮទៅៗដោយគ្មានអ្នកបំពេរក៏ចេញទៅមើលស្រាប់តែឃើញទារិកាអាយុទើបកើត២ទៅ៣ថ្ងៃក្រហមរងាលដាក់ក្នុងតាការមានគ្របដោយសារុងរួមទាំងមានថ្នាំពេទ្យ១ថង់ កំប៉ុងទឹកដោះគោ១ទទឹកដោយតំណក់ទឹកភ្លៀងក្រោមផ្គររន្ទះផ្លេកបន្ទោភ្លែតៗនិងមានស្រមោចខាំផងនោះ ។
លោកស្រីសមាជិកក្រុមប្រឹក្សាក្រុងបានបន្តថា៖ក្រោយពីប្រជាពលរដ្ឋប្រទះឃើញទារកនោះក៏បានទំនាក់ទំនងទៅក្រុមសង្គ្រោះបឋម បានចុះមកភ្លាមៗផងដែរនិងយកទារិកានោះទៅសង្គ្រោះនៅមន្ទីរពេទ្យបង្អែកដីថ្មីក្រុងប៉ោយប៉ែតដើម្បីជួយសង្គ្រោះ ។ ដោយសុខភាពទារកមានសភាពមិនប្រក្រតីខ្សោយ ណាមួយគ្មានទឹកដោះគោបៅ ណាមួយត្រូវទឹកភ្លៀង និងសត្វស្រមោចខាំផងនោះ លោកស្រីនិងមន្ត្រីមន្ទីរសង្គមកិច្ចនិងអតីតយុទ្ធជនខេត្តបន្ទាយមានជ័យបាននាំយកទារកនោះទៅមន្ទីរពេទ្យគន្ធបុប្ផាខេត្តសៀមរាបដើម្បីសង្គ្រោះបន្ទាន់។
បច្ចុប្បន្នទាយិកាខាងលើមានសុខភាពល្អប្រសើរហើយ ។ មួយវិញទៀតជាភព្វសំណាងល្អ ទាយិកានោះត្រូវបានក្រុមគ្រួសារមួយមានជីវភាពធូរធារនៅក្នុងភូមិប៉ាលិយ្យ២ សង្កាត់ក្រុងប៉ោយប៉ែតបានស្នើសុំយកទៅចិញ្ចឹម ហើយក្នុងការសុំទារិកាខាងលើទៅចិញ្ចឹមគីឆ្លងកាត់ការតាមដានពីប្រព័ន្ធតុលាការឬមន្ត្រីជំនាញផងដែរ ដោយឲ្យគ្រួសារនោះធ្វើកិច្ចសន្យាឲ្យបីបាច់ថែរក្សាទារិកានោះទុកដូចជាកូនបង្កើត ប៉ុន្តែគ្រួសារខាងលើហាក់បីដូចជាស្រលាញ់បីបាច់ថែរក្សារហូតតាមទៅមើលដល់មន្ទីរពេទ្យគន្ទបុប្ផាខេត្តសៀមរាបផងដែរ៕
