មេបញ្ជាការកងពលតូចដឹកជញ្ជូនលេខ៩០ ទទួលស្វាគមន៍គណ:ប្រតិភូកងទ័ពប្រជាជន ខេត្តដុងណាយ យោធភូមិភាគទី៧ របស់វៀតណាម ជូនពរក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ
ភ្នំពេញ៖ ឯកឧត្តម ឧត្តមសេនីយ៍ទោ ឈរ សុខនាយសេនាធិការរងកងទ័ពជើងគោក ព្រមទាំងនាយទាហានថ្នាក់ដឹកនាំកងពល និងថ្នាក់ដឹកនាំតាមបណ្ដាអង្គភាពចំណុះ ទាំងអស់ នាថ្ងៃទី០៣ ខែមេសា ឆ្នាំ២០២៤ នៅទីបញ្ជាការកងពល បានទទួលស្វាគមន៍នូវដំណើរអញ្ជើញមកជូនពរកងពលតូចដឹកជញ្ជូនលេខ៩០ ក្នុងឱកាសចូលឆ្នាំថ្មីប្រពៃណីជាតិខ្មែរដែលនឹងឈានចូលមកដល់នាពេលខាងមុខ របស់គណ:ប្រតិភូកងទ័ពប្រជាជនខេត្តតំណាយ យោធភូមិភាគទី៧ នៃសាធារណរដ្ឋសង្គមនិយមវៀតណាម។
ក្នុងកិច្ចជំនួបស្វាគមន៍នេះ ឧត្តមសេនីយ៍ទោ ឈរ សុខ បានបង្ហាញពីសមិទ្ធផលដែលអង្គភាពសម្រេចបានជាច្រើនក្នុងរយៈពេលប៉ុន្មានឆ្នាំកន្លងមកនេះ និងសមិទ្ធផល ជាអាគារសិក្សា អាគារស្នាក់នៅ និងផ្លូវបេតុងមួយខ្សែដែលកសាងឡើងដោយថវិកាឧបត្ថម្ភរបស់ភាគទីមិត្ត។
លោកវរសេនីយ៍ឯក ង៉ូហ្វាង ធាន់ មេបញ្ជាការរង កងទ័ពប្រជាជន ខេត្តដុងណាយ បានកោតសរសើរយ៉ាងខ្លាំងដល់កងពលតូចដឹកជញ្ជូនលេខ៩០ ស្ថិតក្រោមការដឹកនាំបញ្ជាផ្ទាល់ របស់ឧត្តមសេនីយ៍ទោ ឈរ សុខ ធ្វើឱ្យកងពលមានការរីកចម្រើនយ៉ាងឆាប់រហ័សនូវហេដ្ឋារចនាសម្ព័ន្ធថ្មីៗជាច្រើនក្នុងអង្គភាព។
ក្នុងឱកាសជំនួបដ៏ស្និទ្ធស្នាលប្រកបដោយភាពកក់ក្តៅនេះភាគីទាំងពីរបានជូនវត្ថុអនុស្សាវរីយ៍គ្នាទៅវិញទៅមកដោយភាពរីករាយ និងបន្តកិច្ចសហប្រតិបត្តិការណ៍ឱ្យកាន់តែមានភាពល្អប្រសើរផងដែរ៕
