លោកជំទាវ ពុំ ចន្ទីនី ជួបសំណេះសំណាលជាមួយប្រធានបេសកកម្ម គណៈកម្មាធិការអន្តរជាតិនៃកាកបាទក្រហម (អាយ.អរ.ស៊ី.) ប្រចាំប្រទេសកម្ពុជា ថៃ ឡាវ
ភ្នំពេញ៖ នាព្រឹកថ្ងៃទី៣ ខែមេសា ឆ្នាំ២០២៤ លោកជំទាវ ពុំ ចន្ទីនី អគ្គលេខាធិការកាកបាទក្រហមកម្ពុជា បានអញ្ជើញជួបសំណេះសំណាល លោកស្រី ឌីណា ហ្វីស័រ ប្រធានបេសកកម្ម គណៈកម្មាធិការអន្តរជាតិនៃកាកបាទក្រហម (អាយ.អរ.ស៊ី.) ប្រចាំប្រទេសកម្ពុជា ថៃ ឡាវ នៅទីស្នាក់ការកណ្តាលកាកបាទក្រហមកម្ពុជា។
ក្នុងឱកាសនេះ លោកស្រី ឌីណា មានប្រសាសន៍ថា “ខ្ញុំសូមបានថ្លែងអំណរគុណ និងជម្រាបលាក្នុងបេសកកម្ម៥ឆ្នាំ (២០២០-២០២៤) ចំពោះការគាំទ្រចំពោះសកម្មភាពមនុស្សធម៌របស់គណៈកម្មាធិការអន្តរជាតិនៃកាកបាទក្រហមនៅប្រទេសកម្ពុជា”។
លោកស្រី បានបញ្ជាក់ទៀតថា “គណៈកម្មាធិការអន្តរជាតិនៃកាកបាទក្រហម និងបន្តគាំទ្របេសកកម្មមនុស្សធម៌អាទិភាពចំនួន២ គឺការងារស្តារទំនាក់ទំនគ្រួសារអ្នកជាប់ឃុំនៅពន្ធនាគាគឺផ្តល់សេវាបញ្ជូនសារពីទណ្ឌិតទៅគ្រួសារនិងពីគ្រួសារទៅទណ្ឌិតវិញ និងការងារមួយទៀតគឺផ្តល់សេវាស្តានិតិសម្បទាដែលគណៈកម្មាធិការអន្តរជាតិនៃកាកបាទក្រហមប្រចាំនៅកម្ពុជាមានសប្បកម្មផលិតកាយសម្បទានៅខេត្តចំនួន២គឺខេត្តបាត់ដំបងនិងខេត្តកំពង់ស្ពឺ”។
លោកស្រីបានបន្តទៀត “បន្ទាប់ពីខ្ញុំបញ្ចប់បេសកកម្មនេះទៅ លោក ម៉ាក្ស ស្លត់ (Marc Zlot) ប្រធានកម្មវិធីស្តារលទ្ធភាពពលកម្មកាយសម្បទា និងបន្តសម្របសម្រួលការងារ២ខាងលើនៅកម្ពុជា”។
ជាមួយគ្នា លោកជំទាវអគ្គលេខាធិការ បាននាំប្រសាសន៍សួរទុក្ខពីសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ចំពោះលោកស្រី ឌីណា ហ្វីស័រ និងថ្លែងអំណរគុណចំពោះគណៈកម្មាធិការអន្តរជាតិនៃកាកបាទក្រហម ដែលបានគាំទ្រការងារមនុស្សធម៌នៅកម្ពុជា តាំងពីក្រោយថ្ងៃរំដោះ ៧ មករា ១៩៧៩ និងបានជួយឧបត្ថម្ភដល់កាកបាទក្រហមកម្ពុជាទាំងថវិកា និងបច្ចេកទេសជារៀងរាល់ឆ្នាំ។
លោកជំទាវអគ្គលេខាធិការបានបន្តថា “នៅឆ្នាំ២០២៤នេះ កាកបាទក្រហមកម្ពុជា បាននឹងកំពុងរៀចំនិងផ្សព្វផ្សាទិវាពិភពលោកកាកបាទក្រហមនិងអឌ្ឍចន្ទក្រហម ៨ ឧសភា ក្រោមប្រធានបទ “រួមគ្នាជាមួយកាកបាទក្រហមកម្ពុជា ដើម្បីសហគមន៍មានសុខភាពល្អ និងមានភាពធននឹងអាកាសធាតុ” ដើម្បីបង្កើនការយល់ដឹងដល់ប្រជាជនរួមចំណែកក្នុងការថែក្សាសុខភាព និងប្តូរឥរិយាបទរបស់ប្រជនក្នុងការរស់នៅប្រកបដោយសុខភាពល្អ ហើយបច្ចុប្បន្ននេះ ការឡើងកម្តៅនៅក្នុងកម្ពុជាជាបញ្ហាប្រឈមខ្លាំង ហើយកាកបាទក្រហមកម្ពុជា បានធ្វើការចុះផ្សព្វផ្សាយអំពីវិធិសាស្ត្រការបន្សុំាខ្លួននៅពេលអាកាសធាតុមានការប្រែប្រួល។
ទន្ទឹមនឹងនេះដែរ កាកបាទក្រហមកម្ពុជា បាននឹងកំពុងទទួលអំណោយជាថវិកានិងសម្ភារៈពីសប្បុរសជនក្នុងទិវា ៨ ឧសភា ដើម្បីកាកបាទក្រហមកម្ពុជា មានធនធានគ្រប់គ្រាន់ក្នុងជួយដល់ប្រជាជនរងគ្រោះនិងងាយរងគ្រោះដែលត្រូវការឱ្យជួយ បានទាន់ពេលវេលា។
ជាថ្មីម្តងទៀត កាកបាទក្រហមកម្ពុជា សូមអំពាវនាវចំពោះ សម្តេច ឯកឧត្តម លោកជំទាវ អ្នកឧកញ៉ា ឧកញ៉ា លោក លោកស្រី អ្នកនាងកញ្ញា សូមបន្តចូលរួមបរិច្ចាគថវិកា សម្ភារៈ ជូនកាកបាទក្រហមកម្ពុជា ហើយកាកបាទក្រហមកម្ពុជា មានក្រុមប្រចាំការទទួលបដិសណ្ឋារកិច្ច និងរៀបចំកម្មវិធីប្រគល់-ទទួលថវិកា សម្ភារៈ ពីសប្បុរសជនគ្រប់មជ្ឈដ្ឋាន រៀងរាល់ម៉ោងធ្វើការចាប់ពីថ្ងៃជូនដំណឹងនេះ នៅទីស្នាក់ការកណ្តាលកាកបាទក្រហមកម្ពុជា៕
