កងទ័ពអ៊ីស្រាអែលបានចូលមន្ទីរពេទ្យ Nasser ក្នុងទីក្រុង Khan Younis វិញបន្ទាប់ពីដកខ្លួនចេញរយៈពេលខ្លី

ហ្គាហ្សា៖ ក្រសួងសុខាភិបាលប៉ាឡេស្ទីនដែលមានមូលដ្ឋាននៅហ្គាហ្សាបានឲ្យដឹងនៅក្នុងសេចក្តីថ្លែងការណ៍មួយកាលពីថ្ងៃព្រហស្បតិ៍ថា កងទ័ពអ៊ីស្រាអែលបានបញ្ជូនរថពាសដែកចំនួនបួនចូលទៅក្នុងមន្ទីរពេទ្យ Nasser ភ្លាមៗបន្ទាប់ពីខ្លួនបានដកកងទ័ពចេញពីកន្លែងនោះ។

ប្រភពសន្តិសុខប៉ាឡេស្ទីនបានប្រាប់ Xinhua ថាកងកម្លាំងទាហានអ៊ីស្រាអែលបានបំប្លែងអគារនេះទៅជាបន្ទាយយោធាឆ្លងកាត់ការឡោមព័ទ្ធ និងការវាយប្រហារជាច្រើនថ្ងៃ។

របាយការណ៍មុនដោយសារព័ត៌មាន Channel ១៣ របស់អ៊ីស្រាអែលបានអះអាងថា កងកម្លាំងការពារអ៊ីស្រាអែល (IDF) បានបញ្ចប់ប្រតិបត្តិការរបស់ពួកគេនៅមន្ទីរពេទ្យ។

លោក Ashraf al-Qedra អ្នកនាំពាក្យក្រសួងសុខាភិបាលបានប្រាប់ស៊ីនហួថា មន្ទីរពេទ្យបានផ្ទុកអ្នករបួស និងអ្នកជំងឺជាង ១២០នាក់ ព្រមទាំងក្រុមវេជ្ជសាស្រ្ដ។

លោកបានកត់សម្គាល់ថាក្នុងអំឡុងពេលនៃការឡោមព័ទ្ធមន្ទីរពេទ្យដែលជាមន្ទីរពេទ្យធំទីពីរនៅហ្គាហ្សាស្ទ្រីប មិនមានអគ្គិសនីទឹកអាហារអុកស៊ីសែននិងការថែទាំវេជ្ជសាស្រ្តត្រឹមត្រូវសម្រាប់ករណីធ្ងន់ធ្ងរ។

លោកបានជំរុញឱ្យអង្គការសុខភាពពិភពលោកប្រើប្រាស់គ្រប់មធ្យោបាយដើម្បីដាក់សម្ពាធលើប្រទេសអ៊ីស្រាអែលឱ្យបញ្ចប់ការធ្វើយោធានៃមន្ទីរពេទ្យ និងផ្តល់នូវតម្រូវការមនុស្សធម៌ និងផ្នែកវេជ្ជសាស្ត្រទាំងអស់។

កាលពីពីរថ្ងៃមុន វិទ្យុសាធារណៈរបស់អ៊ីស្រាអែលបានរាយការណ៍ថា កងកម្លាំងកងទ័ពកំពុងប្រយុទ្ធនៅក្នុងតំបន់មន្ទីរពេទ្យ Nasser ត្រូវការពេលពីរបីថ្ងៃទៀតដើម្បីបញ្ចប់ការគ្រប់គ្រងរបស់ពួកគេលើទីតាំងនោះ។

វាបានបន្ថែមថា មន្ទីរពេទ្យបានក្លាយជាជម្រកសម្រាប់ក្រុមយុទ្ធជនហាម៉ាស់មួយចំនួនធំដែលបានភៀសខ្លួនចេញពីភាគខាងជើងហ្គាហ្សាស្ទ្រីប ដោយកត់សម្គាល់ថាពួកគេរាប់សិបនាក់ត្រូវបានសម្លាប់ ខណៈដែលប្រហែលពីររយនាក់បានចុះចាញ់នឹងកងទ័ពអ៊ីស្រាអែល ដែលភាគច្រើនត្រូវបានក្លែងបន្លំជាបុគ្គលិកពេទ្យ។

បន្ថែមពីលើនេះ វាបានរៀបរាប់ថា អាវុធ គ្រាប់រំសេវ និងថ្នាំញៀនជាច្រើនត្រូវបានគេរកឃើញនៅកន្លែងនោះ ដែលត្រូវបានផ្ទេរទៅឱ្យអ្នកជាប់ឃុំអ៊ីស្រាអែល។

ទោះយ៉ាងណា កម្លាំងមិនបានទទួលព័ត៌មានណាមួយដែលរួមចំណែកដល់ការដោះលែងជនដែលត្រូវបានចាប់ពង្រត់នោះទេ។

ប្រភព៖ Xinhua Net

ប្រែសម្រួលដោយ៖ ឡាយ លីហួ