ពិធីបុណ្យប្រគេនប្រកាសនីយបត្រតែងតាំង និងស្រោចស្រពសុគន្ធវារី ព្រះខេមញ្ញាណ រ៉េន ស៊ីណាត ព្រះរាជាគណៈថ្នាក់កិត្តិយស ព្រះលេខាធិកាអនុគណស្រុកថ្មពួក និងជាព្រះចៅអធិការវត្តគិរីរុក្ខារាមថ្មរមៀល

ភ្នំពេញ៖ នាថ្ងៃទី៧ ខែមករា ឆ្នាំ២០២៤ លោកឧត្តមសេនីយ៍ទោ សិទ្ធ ឡោះ ស្នងការនគរបាលខេត្តបន្ទាយមានជ័យ តំណាងដ៏ខ្ពង់ខ្ពស់ឯកឧត្តម អភិសន្តិបណ្ឌិត ស សុខា ឧបនារដ្ឋមន្ត្រីរដ្ឋមន្ត្រីក្រសួង មហាផ្ទៃបានអញ្ជើញជាអធិបតីភាព ក្នុងពិធីបុណ្យចម្រើនវឌ្ឍនមង្គល ប្រគេនប្រកាសសនីយបត្រតែងតាំង និងស្រោចស្រពសុគន្ធវារីព្រះខេមញ្ញាណ រ៉េន ស៊ីណាត ព្រះរាជាគណៈថ្នាក់កិត្តិយស ព្រះលេខាធិការអនុគណស្រុកថ្មពួកនិងជាព្រះចៅអធិការវត្តគិរីរុក្ខារាម ថ្មរមៀល ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ។
បន្ទាប់ពីការប្រកាសនិងប្រគេនប្រកាសនីយបត្រតែងតាំងព្រះអង្គ រ៉េន ស៊ីណាត រួចមក ។

ព្រះឧត្តមសិលញាណ ធុល សុធា ព្រះមេគណខេត្ត និងលោកឧត្តមសេនីយ៍ទោសិទ្ធ ឡោះ ស្នងការនគរបាលខេត្តបានមានសង្ឃដីកា និងប្រសាសន៍ថា៖ ស្ថិតនៅក្នុងបរិយាកាសប្រកបដោយសេចក្ដីជ្រះថ្លា ក្រោមម្លប់នៃសុខសន្តិភាព និងភាពសុខដុមរមនានៃសាសនា និងជាបរិយាកាសដ៏កម្រពោលគឺអំឡុងទសវត្សរ៍ទី៩០ ប៉ុន្តែប្រទេសកម្ពុជាយើងដូចជានៅទីនេះផ្ទាល់នៅមានសង្គ្រាមរ៉ាំរ៉ៃអូសបន្លាយពេលអស់រយៈពេលយ៉ាងយូរ ថ្វីដ្បិតតែយើងមានការបោះឆ្នោតដែលរៀបចំឡើងដោយអ៊ុនតាក់តាំងពីឆ្នាំ១៩៩៣ ក៏សង្គ្រាមនៅពុំទាន់បានបញ្ចប់ទាំងស្រុងនៅឡើយ ។ ទើបតែមកដល់ឆ្នាំ១៩៩៨ កម្មវិធីនយោបាយឈ្នះឈ្នះរបស់សម្ដេចអគ្គមហាសេនាបតីតេជោហ៊ុន សែន បាននាំមកនូវ ការបង្រួបបង្រួមជាតិ ឯកភាពជាតិនិងមានសុខសន្តិភាពពេញលេញទូទាំងផ្ទៃប្រទេស។ កត្តាសុខសន្តិភាពនេះហើយបានផ្តល់ឱកាសឲ្យប្រទេសជាតិមានការអភិវឌ្ឍរីកចម្រើនលើគ្រប់វិស័យជាពិសេសវិស័យព្រះពុទ្ធសាសនាដែលជាសាសនារបស់រដ្ឋមានការរីកចម្រើនយ៉ាងខ្លាំងនេះគឺដោយសារតែមានការជឿជាក់ រាជរដ្ឋាភិបាលមានគោលនយោបាយដឹកនាំដ៏ត្រឹមត្រូវធ្វើឲ្យ បងប្អូនពុទ្ធបរិស័ទជិតឆ្ងាយសប្បាយរីករាយរួបរួមគ្នាជាកម្លាំងមហាសាមគ្គីនិងសង្គមជាតិទាំងមូលចូលរួមជាមួយរាជរដ្ឋាភិបាល កសាងប្រទេសបោះជំហានអភិវឌ្ឍឈានឡើងរីកចម្រើនជាលំដាប់ឥតឈប់បន្ថែម ។

លោកឧត្តមសេនីយ៍ទោ សិទ្ធ ឡោះក៏បានកោតសរសើរដោយស្មោះនិងវាយតម្លៃខ្ពស់ចំពោះស្មារតីនិងការយកចិត្តទុកដាក់នូវវិស័យព្រះពុទ្ធសាសនាក៏ដូចជាការគាំទ្រឧបត្ថម្ភជាថវិកាសម្ភារៈកសាងនូវសមិទ្ធផលនានាក្នុងវត្ត មានសប្បុរសជនមកពីទីជិតឆ្ងាយព្រមទាំង ព្រះតេជគុណគ្រប់ព្រះអង្គ តាមរយៈពុទ្ធបរិស័គ្រប់លំដាប់ថ្នាក់ជាពិសេសឯកឧត្តមនាយឧត្តមសេនីយ៍កែគឹមយ៉ាន ឧត្តមក្រុមប្រឹក្សាផ្ទាល់ព្រះមហាក្សត្រ និងជាអ្នកតំណាងរាស្ត្រមណ្ឌលខេត្តបន្ទាយមានជ័យ និងលោកជំទាវអគ្គមហាឧបាសិកាពុទ្ធសាសនូបត្ថម្ភ ម៉ៅ មាល័យ ឯកឧត្តមអភិសន្តិបណ្ឌិត ស សុខាឧបនាយករដ្ឋមន្ត្រីរដ្ឋមន្ត្រីក្រសួង ផ្ទៃនិងលោកជំទាវកែ សួនសុភី លោក កែវ សួនសុភាពអភិបាលរងនៃគណៈអភិបាលខេត្តបន្ទាយមានជ័យ និងលោកជំទាវព្រំ រដ្ឋា ដែលបានលះបង់នូវទ្រព្យធនផ្ទាល់ខ្លួនទុកជាសម្បត្តិមនុស្សជាតិ និងការរក្សាបាននូវប្រពៃណីទំនៀមទម្លាប់សាសនា ដ៏ល្អផូរផង់ដែលដូនតាបានរក្សាទុក ដ៏យូរលង់ណាស់មកហើយដើម្បីជាគំរូដ៏ប្រពៃឯកសារសម្រាប់កូនចៅជំនាន់ក្រោយគោរពប្រតិបត្តិតទៅ ។

បន្ទាប់មកគណៈអធិបតីក៏បានចែកជូនអំណោយរបស់អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រី្រសួងមហាផ្ទៃនិងលោកជំទាវជូនដល់ប្រជាពលរដ្ឋចំនួន៥០គ្រួសារក្នុង០១ញរួសារទទួលបានអង្ករ២៥គ.ក្រ មី០១កេស.ត្រីខ០១យួរ ។សិស្សានុស្សចំនួន៥០នាក់ម្នាក់ទទួលបានសៀវភៅ០៥ក្បាល,ប៊ិច០២ដើម,ដៃខ្មៅ០២ដើម,ជ័រលុប០២និងថវិកា០៥ពាន់រៀល ។លោកគ្រូ អ្នកគ្រូ ០៨នាក់ ម្នាក់ទទួលបានសឆារុង០១និងថវិកាមួយចំនួនផងដែរ ៕