សាកសពជនជាតិសិង្ហបុរីដែលបាត់ខ្លួនដែលត្រូវរលកបោកបក់នៅ Desaru ក្នុងប្រទេសម៉ាឡេស៊ីបានរកឃើញហើយ
KOTA TINGGI៖ បុរសជនជាតិសិង្ហបុរីម្នាក់ ដែលបានបាត់ខ្លួននៅឆ្នេរសមុទ្រ Desaru ប្រទេសម៉ាឡេស៊ី ត្រូវបានគេប្រទះឃើញលង់ទឹកស្លាប់កាលពីថ្ងៃព្រហស្បតិ៍ ទី២៨ ខែធ្នូ។
បុរសអាយុ ៤៩ ឆ្នាំរូបនេះបានលង់ទឹកនៃរមណីយដ្ឋាន Westin Desaru Coast Resort មួយថ្ងៃមុននេះនៅពេលដែលគាត់ត្រូវបានរលកបោកបក់ទៅឆ្ងាយ។
លោក Masri Ibrahim ជំនួយការអគ្គស្នងការរងជាន់ខ្ពស់ និងជាប្រធានប្រតិបត្តិការស្ថានីយ៍ពន្លត់អគ្គីភ័យ Penawar បានឲ្យដឹងថា សមាជិកសាធារណៈបានរកឃើញសាកសពនៅម៉ោង ៥ នឹង ៣០នាទី ព្រឹក។
ជនរងគ្រោះស្លៀកខោខ្លីពណ៌ខ្មៅ ត្រូវបានមហាជនប្រទះឃើញ ប្រហែល៥គីឡូម៉ែត្រពីកន្លែងដែលគាត់ត្រូវបានគេរាយការណ៍ថាបានបាត់។
ប្រពន្ធរបស់ជនរងគ្រោះក៏បានកំណត់អត្តសញ្ញាណសាកសពរបស់គាត់ផងដែរ គាត់បានប្រាប់ Bernama កាលពីថ្ងៃព្រហស្បតិ៍ដោយបន្ថែមថាសាកសពត្រូវបានបញ្ជូនទៅមន្ទីរពេទ្យ Kota Tinggi ។
Masri បានឲ្យដឹងកាលពីថ្ងៃពុធថា បុរសរូបនេះ និងកូនប្រុសអាយុ ១៦ ឆ្នាំរបស់គាត់ត្រូវបានវាយប្រហារដោយរលក ខណៈពេលដែល frolicing នៅមាត់ទឹកមុនពេលត្រូវបានទឹករលកបោកបក់។
ទោះជាយ៉ាងនេះក្តី ក្មេងប្រុសនេះត្រូវបានប្រជាពលរដ្ឋជួយសង្គ្រោះ និងបញ្ជូនទៅកាន់មន្ទីរពេទ្យ Kota Tinggi។
Masri ក៏បានលើកឡើងផងដែរថា មុនពេលកើតហេតុ គេបានលើកទង់ក្រហមនៅលើឆ្នេរ ដើម្បីព្រមានអ្នកទស្សនាកុំឱ្យចូលរួមក្នុងសកម្មភាពទឹក ដោយសារអាកាសធាតុ។
អ្នកនាំពាក្យក្រសួងការបរទេសសិង្ហបុរី (MFA) បានបញ្ជាក់កាលពីថ្ងៃព្រហស្បតិ៍ថា ខ្លួនកំពុងផ្តល់ជំនួយផ្នែកកុងស៊ុល និងការគាំទ្រដល់គ្រួសារនៃអ្នកស្លាប់តាមរយៈស្ថានអគ្គកុងស៊ុលសិង្ហបុរីប្រចាំនៅ Johor Bahru ។
ប្រភព៖ CNA
ប្រែសម្រួលដោយ៖ ហៃ ឆៃមុីនាង
