នៅតំបន់ហ្គាហ្សាភាគខាងត្បូង អ៊ីស្រាអែលបានវាយប្រហារយ៉ាងសាហាវបំផុត មកទល់ពេលនេះក្នុងសង្រ្គាមប្រឆាំងនឹងក្រុមហាម៉ាស
ហ្គាហ្សា៖ យោធាអ៊ីស្រាអែលបានវាយលុកទីក្រុងសំខាន់នៅហ្គាហ្សាភាគខាងត្បូង ក្នុងអ្វីដែលខ្លួនបានលើកឡើងថា ជាការប្រយុទ្ធដ៏ខ្លាំងក្លាបំផុត ចាប់តាំងពីវាបានចាប់ផ្តើមការលុកលុយក្នុងដីរបស់ខ្លួន ដើម្បីលុបបំបាត់ក្រុមហាម៉ាសកាលពីប្រាំសប្តាហ៍មុន ខណៈដែលសហរដ្ឋអាមេរិកបានដាក់សម្ពាធម្តងទៀតឱ្យអ៊ីស្រាអែលកាត់បន្ថយចំនួនជនស៊ីវិលប៉ាឡេស្ទីន។
អ៊ីស្រាអែលបានរាយការណ៍ថាកងកម្លាំងរបស់ខ្លួនដែលគាំទ្រដោយយន្តហោះចម្បាំងកាលពីថ្ងៃអង្គារ ទី៥ ខែធ្នូ បានទៅដល់កន្លែងនៃ Khan Younis នៅភាគខាងត្បូង Gaza ហើយក៏បានឡោមព័ទ្ធទីក្រុងផងដែរ។
កងកម្លាំងប្រដាប់អាវុធរបស់ក្រុមហាម៉ាស ដែលជាកងពលតូចអាល់កាសាម បានឲ្យដឹងថា អ្នកប្រយុទ្ធរបស់ខ្លួនបានចូលរួមក្នុងការប៉ះទង្គិចគ្នាដោយហិង្សាជាមួយអ៊ីស្រាអែល។
យើងស្ថិតនៅក្នុងថ្ងៃដ៏តឹងតែងបំផុតចាប់តាំងពីការចាប់ផ្តើមនៃប្រតិបត្តិការជើងគោក” មេបញ្ជាការនៃបញ្ជាការភាគខាងត្បូងរបស់យោធាអ៊ីស្រាអែល ឧត្តមសេនីយ៍ Yaron Finkelman បានបញ្ជាក់នៅក្នុងសេចក្តីថ្លែងការណ៍មួយ។
ពួកគេក៏ជាសមរភូមិដ៏ក្តៅគគុកបំផុត ចាប់តាំងពីបទឈប់បាញ់រវាងអ៊ីស្រាអែល និងក្រុមហាម៉ាសបានដួលរលំកាលពីសប្តាហ៍មុន។ លោក Finkelman បានបញ្ជាក់ថា កងកម្លាំងអ៊ីស្រាអែលក៏បានវាយប្រយុទ្ធគ្នានៅ Jabalia ដែលជាជំរុំជនភៀសខ្លួនក្នុងទីក្រុងដ៏ធំមួយ និងកន្លែងក្តៅគគុករបស់ក្រុមហាម៉ាសនៅភាគខាងជើងតំបន់ហ្គាហ្សា ជាប់នឹងទីក្រុងហ្គាហ្សា និងនៅ Shuja’iyya ភាគខាងកើតទីក្រុង។
ប្រភព៖ CNA
ប្រែសម្រួលដោយ៖ ហៃ ឆៃមុីនាង
