ប្រមុខរាជរដ្ឋាភិបាល ណែនាំក្រសួងការពារជាតិ ត្រូវយកចិត្តទុកដាក់លើការគំរាមកំហែងពីសន្តិសុខ សុវត្ថិភាពផ្នែកបច្ចេកវិទ្យា

ភ្នំពេញ៖ ប្រមុខរាជរដ្ឋាភិបាលកម្ពុជា សម្តេចមហាបវរធិបតី ហ៊ុន ម៉ាណែត បានណែនាំដល់ក្រសួងការពារ អគ្គមេបញ្ជាការដ្ឋាន និងគ្រប់បញ្ជាការដ្ឋានកងទ័ពទាំងអស់ត្រូវយកចិត្តទុកដាក់លើការគំរាមកំហែងពីសន្តិសុខ សុវត្ថិភាពផ្នែកបច្ចេកវិទ្យា (Cyber)។

ក្នុងពេលអញ្ជើញអបអរសាទរខួបអនុស្សាវរីយ៍លើកទី២៨ ថ្ងៃបង្កើតបញ្ជាការដ្ឋានទ័ពពិសេស នៅខេត្តកំពង់ស្ពឺ នាថ្ងៃទី១០ ខែវិច្ឆិកា ឆ្នាំ២០២៣ សម្ដេចធិបតីបានបញ្ជាក់ថា “សូមឱ្យក្រសួងការពារជាតិ អគ្គបញ្ជាការដ្ឋាន និងបញ្ជាការដ្ឋានកងកម្លាំងនានា យកចិត្តទុកដាក់លើការគំរាមកំហែងបច្ចុប្បន្ន និងទៅអនាគតមួយទៀត គឺការគំរាមកំហែងពីសន្តិសុខបច្ចេកវិទ្យា សាយប័រ កិច្ចការងារខាងលើនេះគឺជាការចាំបាច់ដែលត្រូវយកចិត្តទុកដាក់ ខណៈកងយោធពលខេមរភូមិន្ទគឺមានទំនើបកម្មហើយលើផ្នែកបច្ចេកវិទ្យា”។

សម្ដេចធិបតីនាយករដ្ឋមន្ត្រីក៏បាន ណែនាំដល់ឧបនាយករដ្ឋមន្ត្រី ទៀ សីហា រដ្ឋមន្ត្រីក្រសួងការពារជាតិ អគ្គមេបញ្ជាការ មេបញ្ជាការកងទ័ពទាំងអស់ពិនិត្យ និងពង្រឹងស្ថាប័នរបស់ខ្លួន នីតិវិធី យន្តការសម្រាប់គ្រប់គ្រងគ្រប់គ្រងនូវសុវត្ថិភាពប្រព័ន្ធទិន្នន័យ សុវត្ថិភាពប្រព័ន្ធទំនាក់ទំនងណាមួយទេ ពិសេសកងទ័ពចាំបាច់ត្រូវមានការសម្ងាត់ខ្ពស់៕