សហព័ន្ធកីឡាទ្រីយ៉ាត្លុងកម្ពុជា នឹងរៀបចំការប្រកួតជ្រើសរើសជើងឯកថ្នាក់ជាតិឆ្នាំ២០២៣ ចាប់ពីថ្ងៃទី១៥-១៧ ខែធ្នូ នៅឆ្នេរលេងទឹកខេត្តកែប
កីឡា៖ សហព័ន្ធកីឡាទ្រីយ៉ាត្លុងកម្ពុជា បានប្រកាសនឹង រៀបចំការ ប្រកួតជ្រើសរើសជើងឯកថ្នាក់ជាតិ ឆ្នាំ ២០២៣ ចាប់ពីថ្ងៃទី១៥ ដល់ថ្ងៃទី១៧ ខែធ្នូខាងមុខ នៅឆ្នេរលេងទឹក ខេត្តកែប ។
យោងតាមសេចក្ដីជូនដំណឹងរបស់សហព័ន្ធ ការ ប្រកួត ដែលគាំទ្រដោយក្រសួងអប់រំ យុវជន និងកីឡា ដែលសហការរៀបចំ រវាងសហព័ន្ធ និង រដ្ឋបាល ខេត្តកែបនេះ គឺចាប់ផ្ដើមទទួលពាក្យចូលរួមប្រកួតពីដើមខែវិច្ឆិកា រហូតដល់ថ្ងៃទី០៤ ខែធ្នូ ឆ្នាំ ២០២៣ ទើបបញ្ចប់៕
