សេវាកម្មទិដ្ឋាការឥណ្ឌានៅកាណាដាត្រូវបានផ្អាក ដោយសារវិបត្តិការទូត

បរទេស៖ ប្រទេសឥណ្ឌាបានផ្អាកសេវាកម្មទិដ្ឋាការសម្រាប់ជនជាតិកាណាដារហូតដល់មានការជូនដំណឹងបន្ថែមទៀតចំពេលមានជម្លោះការទូតរវាងប្រទេសទាំងពីរ។

ការជូនដំណឹងដោយ BLS International – មជ្ឈមណ្ឌលដាក់ពាក្យសុំទិដ្ឋាការតាមអ៊ីនធឺណិតនៅក្នុងប្រទេសឥណ្ឌាដែលផ្តល់សេវាកម្មប្រឹក្សាទិដ្ឋាការបានបង្ហោះនៅលើគេហទំព័ររបស់ខ្លួនថា ការជូនដំណឹងសំខាន់ពីបេសកកម្មឥណ្ឌា ដោយសារហេតុផលប្រតិបត្តិការ ចាប់ពីថ្ងៃទី២១ ខែកញ្ញា ឆ្នាំ២០២៣ សេវាកម្មទិដ្ឋាការឥណ្ឌាត្រូវបានផ្អាក។ រហូតដល់មានការជូនដំណឹងបន្ថែម។ សូមបន្តពិនិត្យមើលគេហទំព័រ BLS សម្រាប់ព័ត៌មានថ្មីៗបន្ថែមទៀត។

ការវិវឌ្ឍន៍នេះបានកើតឡើងបីថ្ងៃបន្ទាប់ពីនាយករដ្ឋមន្ត្រីកាណាដា លោក Justin Trudeau បានចោទប្រកាន់ថា ទំនាក់ទំនងសក្តានុពល នៃភ្នាក់ងាររដ្ឋាភិបាលឥណ្ឌាទៅនឹងការសម្លាប់ភេរវករ Khalistani Hardeep Singh Nijjar នៅ Surrey ក្នុងខែមិថុនា។

នាយករដ្ឋមន្ត្រីកាណាដា លោក Justin Trudeau ក្នុងពេលកំពុងថ្លែងសុន្ទរកថានៅសភាកាលពីថ្ងៃចន្ទបានចោទប្រកាន់ថាភ្នាក់ងារឥណ្ឌានៅពីក្រោយការបាញ់សម្លាប់ប្រធានកងកម្លាំង Khalistan Tiger Force Hardeep Singh Nijjar។

លោក Justin Trudeau បានអះអាងថា មន្ត្រីសន្តិសុខជាតិរបស់ប្រទេសលោកមានហេតុផលដើម្បីជឿថា ភ្នាក់ងាររបស់រដ្ឋាភិបាលឥណ្ឌា បានធ្វើការសម្លាប់ពលរដ្ឋកាណាដា ដែលបានបម្រើការជាប្រធាន Guru Nanak Sikh Gurdwara នៃប្រទេស Surrey ផងដែរ។

លោក Justin Trudeau បានបន្តថា ភ្នាក់ងារសន្តិសុខកាណាដាបាននិងកំពុងបន្តការចោទប្រកាន់ដ៏គួរឱ្យទុកចិត្តនៃទំនាក់ទំនងដ៏មានសក្តានុពលរវាងភ្នាក់ងាររបស់រដ្ឋាភិបាលឥណ្ឌា និងការសម្លាប់ពលរដ្ឋកាណាដាម្នាក់គឺលោក Hardeep Singh Nijjar។

ប្រភព៖ India Today

ប្រែសម្រួលដោយ៖ {ឡាយ លីហួ}