មនុស្សជាង ៦,០០០ នាក់ត្រូវបានស្លាប់ និងជាង ៣០,០០០ នាក់ត្រូវជម្លៀសចេញ បន្ទាប់ពីទឹកជំនន់បានបំផ្លិចបំផ្លាញនៅប្រទេសលីប៊ី

បរទេស៖ CNN បានរាយការណ៍កាលពីថ្ងៃពុធថាមនុស្សជាង ៦,០០០ នាក់បានបាត់បង់ជីវិតដោយសារតែទឹកជំនន់យ៉ាងខ្លាំងដែលបណ្តាលឱ្យមានការបំផ្លិចបំផ្លាញដ៏ធំនៅទូទាំងប្រទេសលីប៊ី។

យោងតាមលោក Saadeddin Abdul Wakil អនុរដ្ឋលេខាធិការក្រសួងសុខាភិបាលនៃទីក្រុង Tripoli បានឱ្យដឹងថា ចំនួនអ្នកស្លាប់ត្រូវបានកែសម្រួលនៅព្រឹកថ្ងៃពុធ ម៉ោងក្នុងស្រុក។

យោងតាមក្រសួងអន្តោប្រវេសន៍របស់ប្រទេសអេហ្ស៊ីប រដ្ឋាភិបាលបានបញ្ចុះសពជនរងគ្រោះអេហ្ស៊ីបចំនួន ៨៧ នាក់ ដែលបានស្លាប់នៅក្នុងប្រទេសលីប៊ី។

អាជ្ញាធរបារម្ភថាមនុស្ស ១០,០០០ នាក់ទៀតនៅតែបាត់ខ្លួន ប្រហែលជាត្រូវទឹកសមុទ្រ ឬកប់នៅក្រោមគំនរបាក់បែកដែលរាយប៉ាយពេញទីក្រុងដែលពីមុនមានប្រជាជនជាង ១០០,០០០ នាក់។

ទឹកជំនន់នៅ Derna បានជម្លៀសមនុស្សជាង ៣០,០០០ នាក់ នេះបើយោងតាមអង្គការអន្តរជាតិសម្រាប់ការធ្វើចំណាកស្រុក (IOM) នៅក្នុងប្រទេសលីប៊ី។ CNN បានរាយការណ៍ថាការខូចខាតចំពោះហេដ្ឋារចនាសម្ព័ន្ធក្នុងតំបន់បានធ្វើឱ្យតំបន់រងផលប៉ះពាល់មួយចំនួនមិនអាចចូលទៅដល់អង្គការមនុស្សធម៌បាន។

យោងតាមសារព័ត៌មាន CNN បានឱ្យដឹងថា ក្រុមមន្ត្រីកំពុងជីកកកាយនៅចំកណ្តាលភ្នំនៃគំនរបាក់បែកសម្រាប់អ្នកនៅរស់រានមានជីវិត និងសាកសព ដើម្បីគោរពតាមប្រពៃណីសាសនាឥស្លាម ដែលអ្នកស្លាប់គួរតែត្រូវបានកប់ក្នុងរយៈពេលបីថ្ងៃ។

ការបំផ្លិចបំផ្លាញរបស់ព្យុះដានីយ៉ែលបានធ្វើឱ្យវាកាន់តែពិបាកសម្រាប់អ្នកជួយសង្គ្រោះក្នុងការដកផ្លូវ និងកំទេចកំទី ដើម្បីស្វែងរកអ្នកនៅរស់រានមានជីវិត។ ព្យុះនេះបានបង្អាក់ការទំនាក់ទំនង ធ្វើឱ្យមានភាពស្មុគស្មាញដល់ការព្យាយាមជួយសង្គ្រោះ និងបង្កើនការព្រួយបារម្ភក្នុងចំណោមសមាជិកគ្រួសារដែលរស់នៅខាងក្រៅប្រទេសលីប៊ី ដែលកំពុងរង់ចាំពាក្យថាបាត់មនុស្សជាទីស្រលាញ់។

ប្រភព៖ The Economist Times

ប្រែសម្រួលដោយ៖ {ឡាយ លីហួ}