រដ្ឋមន្ត្រី ជា សុមេធី អញ្ជើញជាអធិបតីក្នុងកិច្ចប្រជុំការធ្វើបទបង្ហាញអំពីរចនាសម្ព័ន្ធ និងតួនាទីរបស់អគ្គនាយករដ្ឋបាលនិងហិរញ្ញវត្ថុ
ភ្នំពេញ៖ ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា នៅព្រឹកថ្ងៃចន្ទ ទី១១ ខែកញ្ញា ឆ្នាំ២០២៣ បានអញ្ជើញជាអធិបតីក្នុងកិច្ចប្រជុំការធ្វើបទបង្ហាញអំពីរចនាសម្ព័ន្ធ និងតួនាទីរបស់អគ្គនាយករដ្ឋបាលនិងហិរញ្ញវត្ថុ នៅទីស្តីការក្រសួង។
ឯកឧត្តម រឿន រិទ្ធីរ័ត្ន អគ្គនាយកនៃអគ្គនាយដ្ឋានកិច្ចការរដ្ឋបាល និងហិរញ្ញវត្ថុ បានបង្ហាញថា អគ្គនាយកដ្ឋានកិច្ចការរដ្ឋបាល និងហិរញ្ញវត្ថុមានតួនាទីភារកិច្ច៖ គ្រប់គ្រង និងសម្របសម្រួលកិច្ចការរដ្ឋបាល បុគ្គលិក និងពិធីការ រៀបចំផែនការ បូកសរុប និងការផ្សព្វផ្សាយព័ត៌មាន គ្រប់គ្រង និងចាត់ចែងកិច្ចការហិរញ្ញវត្ថុ គណនេយ្យ និងទ្រព្យសម្បត្តិរដ្ឋ ធ្វើកិច្ចសហប្រតិបត្តិការជាមួយសមាគម អង្គការ និងដៃគូអភិវឌ្ឍន៍នានា ទំនាក់ទំនងសាធារណៈ និងសម្របសម្រួលការងារទូទៅជាមួយអង្គភាពនានា ថ្នាក់ដឹកនាំ និងក្រសួង ស្ថាប័នពាក់ព័ន្ធ។
ឯកឧត្តមបានបន្ថែមថា ក្រសួងមានថ្នាក់ដឹកនាំ ទីប្រឹក្សា មន្ត្រីរាជការសរុបចំនួន ៦៥៣នាក់ (ស្រី ២០៧នាក់) ក្នុងនោះមានទីប្រឹក្សាក្រសួង ចំនួន ៨២នាក់ (ស្រី ២០នាក់) អគ្គលេខាធិការអគ្គនាយក និងថ្នាក់ប្រហាក់ប្រហែល ចំនួន ២០នាក់ (ស្រី ០៣នាក់) អគ្គនាយករង និងថ្នាក់ប្រហាក់ប្រហែល ចំនួន ៤៧នាក់ (ស្រី ១៤នាក់) ប្រធាននាយកដ្ឋាននិងថ្នាក់ប្រហាក់ប្រហែល ចំនួន ៤៤នាក់ (ស្រី ០៥នាក់) អនុប្រធាននាយកដ្ឋាន និងថ្នាក់ប្រហាក់ប្រហែល ចំនួន ១៥៩នាក់ (ស្រី ៤៩នាក់) ប្រធានការិយាល័យ និងថ្នាក់ប្រហាក់ប្រហែល ចំនួន ១០៩នាក់ (ស្រី ៤៩នាក់) អនុប្រធានការិយាល័យ ចំនួន ១២៣នាក់ (ស្រី ៥៨នាក់) ៕
