ភ្នំពេញ៖ នៅថ្ងៃទី១៧ ខែសីហាឆ្នាំ ២០២៣វេលាម៉ោង ១៧.០០ នាទីមានជនសង្ស័យមិនស្គាល់អត្តសញ្ញាណបានលួចយកម៉ូតូ01គ្រឿងម៉ាកវ៉េវពណ៌ខ្មៅពាក់ស្លាកលេខតាកែវ1.Z7376របស់ឈ្មោះយិន ចយភេទប្រុសអាយុ 66ឆ្នាំទីលំនៅភូមិត្រពាំងឈូក ឃុំសំរោង ដែលគាត់បញ្ឈរទុក នៅជិតកម្ពោតព្រៃស្ថិតនៅភូមិខ្នាចចោរ ឃុំគុសស្រុកត្រាំកក់ខណៈពេលគាត់កំពុងស្ទូងស្រូវ លុះមកដល់វេលាម៉ោង 17:00 នាទីពេលឡើងពីស្រែស្ទូងវិញ ទើបដឹងបាត់ម៉ូតូ ក្រោយទទួលបានពាក្យបណ្ដឹងសមត្ថកិច្ចយើងបានចុះធ្វើការស្រាវជ្រាវកសាងសំណុំរឿងទៅតាមនីតិវិធី។
ក្រោយពីធ្វើការស្រាវជ្រាវនិងទទួលបានបទបញ្ជាពីលោកឧត្តមសេនីយ៍ទោស្នងការព្រមទាំងដឹកនាំសម្របសម្រួលដោយឯកឧត្តមព្រះរាជអាជ្ញា អមសាលាដំបូងខេត្តតាកែវ ។
កម្លាំងជំនាញនៃអធិការដ្ឋាននគរបាលស្រុកត្រាំកក់សហការជាមួយកម្លាំងប៉ុស្តិ៍នគរបាលរដ្ឋបាលសំរោងសហការ ជាមួយកម្លាំងប៉ុស្តិ៍នគរបាលរដ្ឋបាលឃុំត្រពាំងធំខាងជើង សហការជាមួយកម្លាំងប៉ុស្តិ៍នគរបាលរដ្ឋបាលអូសា រាយដឹកនាំបញ្ជាដោយលោកវរសេនីយ៍ឯកឌុកធីយ៉ា អធិការនៃអធិការដ្ឋាននគរបាលស្រុកត្រាំកក់ បានធ្វើការស្រាវជ្រាវ និងសាកសួរបំភ្លឺជុំវិញកន្លែងកើតហេតុ ជាលទ្ធផល សមត្ថកិច្ចយើងបានឃាត់ខ្លួនជនសង្ស័យឈ្មោះ ហេងប៉ូចភេទប្រុសអាយុ 18 ឆ្នាំទីលំនៅបច្ចុប្បន្នភូមិព្រៃពាយឃុំអង្គតាសោម ដែលជាអ្នកលួចម៉ូតូនោះ ពេលជនសង្ស័យ បានធ្វើសកម្មភាពលួចយកម៉ូតូនោះបានហើយ រូបគេក៏បានហៅបក្សពួកម្នាក់ទៀតឈ្មោះ ហឹម ផាត់ ភេទប្រុសអាយុ 40 ឆ្នាំទីលំនៅបច្ចុប្បន្នភូមិពោធិ៍ដុះឃុំត្រពាំងធំខាងជើង ស្រុកត្រាំកក់ ដើម្បីយកម៉ូតូទៅបញ្ចាំនៅផ្ទះឈ្មោះកងនី ភេទស្រីអាយុ 84 ឆ្នាំ រស់នៅភូមិត្រពាំងដងទឹកឃុំអូសារាយស្រុកត្រាំកក់។
លុះដល់វេលាម៉ោង 12 ថ្ងៃទី20 ខែសីហាឆ្នាំ 2023សមត្ថកិច្ចយើងក៏បានឃាត់ខ្លួនជនសង្ស័យបាន01នាក់ទៀតឈ្មោះហឹមផាត់ រូបគេបានឆ្លើយសារភាពថា មួយរយៈកន្លងមក មានមិត្តភក្ររបស់ខ្លួនដែលលួចម៉ូតូបានឲ្យខ្លួនជូនទៅបញ្ចាំម៉ូតូ នៅផ្ទះឈ្មោះកងនី ឱ្យជូនទៅបញ្ចាំនៅផ្ទះណែមចន្ធូ ភេទស្រីអាយុ 45 ឆ្នាំ រស់នៅភូមិត្រពាំងដងទឹក ឃុំអូសារាយ ដែលជាកូនស្រីបង្កើតរបស់ឈ្មោះកងនី ជាលទ្ធផលនៃការស្រាវជ្រាវ សមត្ថកិច្ចយើងបានឃាត់ខ្លួនជនសង្ស័យដែលពាក់ព័ន្ធនៅក្នុងការទទួលបញ្ចាំដោយខុសច្បាប់និងទទួលផលចោរកម្ម បានចំនួន 4នាក់ ។
1-ឈ្មោះណែមចន្ធូភេទស្រី។ អាយុ 45 ឆ្នាំ ដែលត្រូវជាកូនឈ្មោះកងនី ។
2ឈ្មោះណែមធីភេទស្រីអាយុ 53 ឆ្នាំ រស់នៅភូមិត្រពាំងដងទឹកឃុំអូសារាយ ស្រុកត្រាំកក់ត្រូវជាកូនឈ្មោះកងនី ។
3ឈ្មោះហេងប៉ូចភេទប្រុសអាយុ 18 ឆ្នាំ រស់នៅភូមិព្រៃពាយឃុំអង្គតាសោមស្រុកត្រាំក់ ។
4ឈ្មោះហឹមផាត់ប្រុសអាយុ 40 ឆ្នាំរស់នៅភូមិពោធិ៍ដុះឃុំត្រពាំងធំខាងជើងស្រុកត្រាំកក់។
និងដកហូតវត្ថុតាងបានម៉ូតូចំនួន5 គ្រឿង ចំណែកម៉ូតូមួយគ្រឿងបានប្រគល់ជូនទៅជនរងគ្រោះវិញ ៕
