ឯកឧត្ដម សុខ លូ ផ្ញើសារលិខិតគោរពជូនពរសម្ដេចតេជោ ហ៊ុន សែន ក្នុងឱកាសខួបចម្រើនជន្មាយុ ថ្ងៃទី៥ ខែសីហា
ភ្នំពេញ៖ ឯកឧត្ដម សុខ លូ អភិបាលខេត្តបាត់ដំបង និងភរិយាព្រមទាំងមន្ត្រីរាជការ កងកម្លាំងប្រដាប់អាវុធ និងប្រជាពលរដ្ឋទូទាំងខេត្តបាត់ដំបង បានផ្ញើសារលិខិតគោរពជូនពរសម្ដេចតេជោ ហ៊ុន សែន ក្នុងឱកាសខួបចម្រើនជន្មាយុ ថ្ងៃទី៥ ខែសីហា ឆ្នាំ២០២៣។
នៅក្នុងសារលិខិតឯកឧត្ដម សុខ លូ បានបួងសួងដល់វត្ថុស័ក្ដិសិទ្ធិក្នុងលោក តាមថែរក្សា និងប្រសិទ្ធពរជ័យ សិរីមង្គល មហាប្រសើរគ្រប់ប្រការ គោរពជូនចំពោះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ក្នុងឱកាសចម្រើនជន្មាយុខួបគម្រប់ ៧១ឆ្នាំ ឈានចូល ៧២ឆ្នាំ។
សូមសម្ដេចអគ្គមហាសេនាបតីតេជោ និងសម្ដេចកិត្តិព្រឹទ្ធបណ្ឌិត ព្រមទាំងបុត្រា បុត្រី ចៅប្រុស ចៅស្រី មានសុខភាពល្អបរិបូរណ៍ កម្លាំងរឹងមាំ ប្រាជ្ញាឈ្លាសវៃ ជន្មាយុយឺនយូរ ព្រមទាំងប្រកបដោយពុទ្ធពរទាំងបួនប្រការគឺ
អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕
