វេទិកា Zhongguancun ឆ្នាំ ២០២៣ បានបើកក្នុងទីក្រុងប៉េកាំង ដោយលើកឡើងពីកិច្ចសហប្រតិបត្តិការអន្តរជាតិ ការយ៉ាងបើកចំហ
ទីក្រុងប៉េកាំង÷វេទិកា Zhongguancun ឆ្នាំ ២០២៣ បានចាប់ផ្តើមកាលពីថ្ងៃព្រហស្បតិ៍នៅឯមជ្ឈមណ្ឌលពិព័រណ៍ Zhongguancun ក្នុងទីក្រុងប៉េកាំង។លោក Yin Li សមាជិកការិយាល័យនយោបាយនៃគណៈកម្មាធិការមជ្ឈិមបក្សកុម្មុយនិស្តចិន (CPC) និងជាលេខានៃគណៈកម្មាធិការក្រុងប៉េកាំងរបស់ CPC បានអានលិខិតអបអរសាទរពីប្រធានាធិបតី Xi Jinping នៅក្នុងពិធីបើក។
ឧបនាយករដ្ឋមន្ត្រីចិន លោក Ding Xuexiang សមាជិកគណៈកម្មាធិការអចិន្ត្រៃយ៍នៃការិយាល័យនយោបាយនៃគណៈកម្មាធិការកណ្តាល CPC បានចូលរួមក្នុងពិធីបើក និងថ្លែងសុន្ទរកថា។លោក Ding បាននិយាយថា លិខិតអបអរសាទរឆ្លុះបញ្ចាំងយ៉ាងពេញលេញថា លោកប្រធានាធិបតី Xi យកចិត្តទុកដាក់យ៉ាងខ្លាំងចំពោះការច្នៃប្រឌិតបច្ចេកវិទ្យាវិទ្យាសាស្ត្រ និងកិច្ចសហប្រតិបត្តិការអន្តរជាតិ។
លោកបានសង្កត់ធ្ងន់ថា ប្រទេសចិននឹងពន្លឿនការអនុវត្តយុទ្ធសាស្ត្រអភិវឌ្ឍន៍ដែលជំរុញដោយនវានុវត្តន៍ ដើម្បីផ្តល់ការគាំទ្រយ៉ាងរឹងមាំសម្រាប់ការអភិវឌ្ឍសេដ្ឋកិច្ច និងសង្គមប្រកបដោយគុណភាពខ្ពស់នៅក្នុងប្រទេស។
លោក Ding បាននិយាយថា ប្រទេសចិនមានឆន្ទៈក្នុងការចូលរួមយ៉ាងសកម្មនៅក្នុងកិច្ចសហប្រតិបត្តិការច្នៃប្រឌិតសកល និងចែករំលែកផ្លែឈើនៃការអភិវឌ្ឍនវានុវត្តន៍ជាមួយពិភពលោកទាំងមូល។លោកបានដាក់សំណើបីចំណុចដោយនិយាយថា កិច្ចខិតខំប្រឹងប្រែងគួរតែត្រូវបានធ្វើឡើងដើម្បីកែលម្អអភិបាលកិច្ចនវានុវត្តន៍សកល ជំរុញកិច្ចសហប្រតិបត្តិការបច្ចេកវិទ្យាវិទ្យាសាស្ត្រអន្តរជាតិ និងពង្រឹងកិច្ចសហប្រតិបត្តិការលើការស្រាវជ្រាវបញ្ហាសកល។ការជួបជុំដ៏ធំនេះបានទាក់ទាញភ្ញៀវមកពីជាង ៨០ ប្រទេស និងតំបន់ ព្រមទាំងអង្គការអន្តរជាតិ ស្ថាប័ន និងនាយកដ្ឋានរដ្ឋាភិបាលបរទេសជិត ២០០ ។
ប្រធានបទ “កិច្ចសហប្រតិបត្តិការបើកចំហសម្រាប់អនាគតរួមគ្នា” វេទិកា Zhongguancun ឆ្នាំ ២០២៣ ត្រូវបានរៀបចំរួមគ្នាដោយក្រសួងវិទ្យាសាស្ត្រ និងបច្ចេកវិទ្យា គណៈកម្មាធិការកំណែទម្រង់ និងអភិវឌ្ឍន៍ជាតិ ក្រសួងឧស្សាហកម្ម និងបច្ចេកវិទ្យាព័ត៌មាន គណៈកម្មការត្រួតពិនិត្យ និងគ្រប់គ្រងទ្រព្យសម្បត្តិរដ្ឋ។ក្រុមប្រឹក្សារដ្ឋ បណ្ឌិត្យសភាវិទ្យាសាស្ត្រចិន បណ្ឌិត្យសភាវិស្វកម្មចិន សមាគមវិទ្យាសាស្ត្រ និងបច្ចេកវិទ្យាចិន និងរដ្ឋាភិបាលក្រុងប៉េកាំង។លោក Wu Zhaohui អនុរដ្ឋមន្ត្រីនៃប្រទេសចិនបាននិយាយថា “យើងកំពុងទន្ទឹងរង់ចាំក្នុងការចូលរួមក្នុងការផ្លាស់ប្តូរស៊ីជម្រៅ និងជំរុញការឯកភាពគ្នាជាមួយភ្ញៀវមកពីវិស័យផ្សេងៗ រួមបញ្ជូលប្រាជ្ញាដើម្បីបង្កើនកិច្ចសហប្រតិបត្តិការអន្តរជាតិលើការច្នៃប្រឌិតវិទ្យាសាស្ត្របច្ចេកវិទ្យា និងការរួមចំណែកដល់វិបុលភាពសេដ្ឋកិច្ចពិភពលោក” ។
លោក Denis Simon ប្រធានសម្ព័ន្ធនៃអង្គការទេពកោសល្យសកល បានអោយដឹងថា នាពេលបច្ចុប្បន្ននេះ ប្រទេសចិនកំពុងចាប់ផ្តើមលើគន្លងនៃការបង្កើតថ្មី ដែលសន្យាថាវាក្លាយជាមុខតំណែងមួយក្នុងចំណោមអ្នកដឹកនាំការច្នៃប្រឌិតរបស់ពិភពលោកក្នុងវិស័យនានា រាប់ចាប់ពីរថយន្តអគ្គិសនី និងបច្ចេកវិទ្យាថ្ម រហូតដល់អវកាស បញ្ញាសិប្បនិម្មិត និងការគណនាកង់ទិច។Zhongguancun ត្រូវបានបង្កើតឡើងក្នុងឆ្នាំ ១៩៨៨ នៅភាគពាយ័ព្យទីក្រុងប៉េកាំង ដែលជាក្រុមលំនៅដ្ឋាននៃសាកលវិទ្យាល័យ និងវិទ្យាស្ថានស្រាវជ្រាវ។វាជាតំបន់អភិវឌ្ឍន៍ឧស្សាហកម្មបច្ចេកវិទ្យាខ្ពស់ថ្នាក់ជាតិដំបូងគេរបស់ប្រទេសចិន ហើយត្រូវបានគេស្គាល់ថាជា “ជ្រលង Silicon របស់ប្រទេសចិន” ។វេទិកា Zhongguancun ត្រូវបានបង្កើតឡើងក្នុងឆ្នាំ ២០០៧ ហើយបានរីកចម្រើនទៅជាវេទិកាច្នៃប្រឌិតបើកចំហកម្រិតជាតិ និងវេទិកាអន្តរជាតិ។
ប្រភពព័ត៌មានៈXinhua
ប្រែសំរួលដោយៈកញ្ញា យ៉េន សុវណ្ណារ៉ា https://xhnewsapi.xinhuaxmt.com/share/news?id=826714010431488&showType=3002&utdId=3f18d335f18a41659aee1a4319eb8529&version=3.1.3&projectSource=0&clientMarket=google
