ចាប់ខ្លួនក្រុមក្មេងទំនើង ៣នាក់ ក្នុងចំណោម ៥នាក់ ករណីគប់ដុំថ្ម ចំយុវជនម្នាក់ស្លាប់ នៅស្រុកត្រាំកក់

ភ្នំពេញ៖ យោងតាមការបញ្ជាក់ពី ឧត្តមសេនីយ៍ទោ ឈាង ផាន់ណារ៉ា ស្នងការនគរបាលខេត្តតាកែវ បានឱ្យដឹងថា សមត្ថកិច្ចនគរបាលស្រុកត្រាំកក់ កាលពីថ្ងៃទី១០ ខែមីនា ឆ្នាំ២០២៣ ចាប់ខ្លួនក្រុមក្មេងទំនើង ៣នាក់ ក្នុងចំណោមបក្ខពួក ៥នាក់ ករណីគប់ដុំថ្ម ចំយុវជនម្នាក់ទៀតស្លាប់ កើតហេតុតាំងពីថ្ងៃទី២១ ខែមករា ឆ្នាំ២០២៣ នៅចំណុចផ្លូវជាតិលេខ3 ចន្លោះគីឡូម៉ែត្រ 67-68 ស្ថិតក្នុងភូមិស្រង៉ែ ឃុំឧត្តមសូរិយា ស្រុកត្រាំកក់ ខេត្តតាកែវ ៕