នាយទាហាន នាយទាហានរង បញ្ជាការដ្ឋានកងទ័ពជើងគោក ប្រមាណ ៣០០នាក់ ចូលរួមស្តាប់ការផ្សព្វផ្សាយសភាពការណ៏ក្នុង និងក្រៅប្រទេស និងតួនាទីភារកិច្ចកងយោធពលខេមរភូមិន្ទ
ភ្នំពេញ៖ នាយទាហាន នាយទាហានរង បញ្ជាការដ្ឋានកងទ័ពជើងគោក ប្រមាណ ៣០០នាក់ ចូលរួមស្តាប់ការផ្សព្វផ្សាយសភាពការណ៏ក្នុង និងក្រៅប្រទេស និងតួនាទីភារកិច្ចកងយោធពលខេមរភូមិន្ទ ជូននាយទាហាន នាយទាហានរង បញ្ជាការដ្ឋានកងទ័ពជើងគោក ប្រមាណ ៣០០នាក់ នៅថ្ងៃទី៩ ខែកុម្ភៈ ឆ្នាំ២០២៣ បានចូលរួមស្តាប់ការផ្សព្វផ្សាយសភាពការណ៏ក្នុង ក្រៅប្រទេស និងតួនាទីភារកិច្ចរបស់កងយោធពលខេមរភូមិន្ទ នៅបញ្ជាការដ្ឋានកងទ័ពជើងគោក ។
ឧត្តមសេនីយ៍ទោ ម៉ៅ ផល្លា បានមានប្រសាសន៍ថាគោលបំណងដើម្បីឲ្យនាយ-ពលទាហានយើងត្រូវអនុវត្តន៍តួនាទី ភារកិច្ច ចូលរួមជាមួយរាជរដ្ឋាភិបាល ក្នុងការកសាងជាតិមាតុភូមិ និងប្រជាជន ។
ឧត្តមសេនីយ៍ទោ ម៉ៅ ផល្លា បានបន្ថែមទៀតថា ជោគជ័យដ៏ធំធេងនេះ បានមកពីការចូលរួមយ៉ាងសកម្មពីកងកម្លាំងប្រដាប់អាវុធគ្រប់ប្រភេទ ការខិតខំរបស់ថ្នាក់ដឹកនាំគ្រប់លំដាប់ថ្នាក់ ពិសេសការបុិនប្រសព និងឈ្លាសវៃរបស់ប្រមុខរាជរដ្ឋាភិបាល សម្តេចតេជោ ហ៊ុន សែន នាយករដ្ឋមន្ត្រី គួបផ្សំនឹងមូលហេតុរួមមាន កត្តាសុខសន្តិភាព និងការគ្រប់គ្រងកូវីដ-១៩ល្អប្រសើរនៅកម្ពុជា ។
ពាក់ព័ន្ធសភាពការណ៍អន្តរជាតិ ឧត្តមសេនីយ៍ទោ ម៉ៅ ផល្លា បានបញ្ជាក់ថា ពិភពលោកបច្ចុប្បន្នឈរនៅលើពហុប៉ូល ដោយបណ្តាប្រទេសលើសកលលោកបានបែងចែងជាក្រុម សមព័ន្ធ និងតំបន់ដោយឡែកៗពីគ្នា ជាហេតុបង្កើតឲ្យមានសភាពតានតឹងផ្នែកភូមិសាស្ត្រនយោបាយ ដែលជាមហិចតារបស់ប្រទេសមហាអំណាច បង្កើតជាសង្គ្រាម បង្កគ្រោះមហន្តរាយដល់សន្តិសុខសកល និងភាពភ័យខ្លាចរបស់ប្រជាជន និងការកើនឡើងនៃអតិផរណាពិភពលោកផងដែរ ។
ឧត្តមសេនីយ៍ទោ ម៉ៅ ផល្លា បានសង្កត់ធ្ងន់ថា យោធិនទាំងអស់ត្រូវប្រកាន់ភ្ជាប់នូវតំលៃថ្លៃថ្នូរកងយោធពលខេមរភូមិន្ទ ប្រកាន់ភ្ជាប់នូវច្បាប់លក្ខន្តិកៈ បទបញ្ញត្តិទូទៅកងយោធពលខេមរភូមិន្ទ ចូលរួមកសាងអភិវឌ្ឍន៍ ការពារច្បាប់កំពូលជាតិ ការពារដាច់ខាតជាតិ សាសនា ព្រះមហាក្សត្រ និងរក្សាឲ្យបានដាច់ខាតសុខសន្តិភាព ៕
