បន្ទាប់ពីត្រូវបានកែលំអរឡើងវិញ តំបន់ប្រវត្តិសាស្ត្រយោធាតេជោសារតាំង នឹងក្លាយជាទីតាំងទេសចរណ៍ប្រវត្តិសាស្ត្រ សម្រាប់អ្នកជំនាន់ក្រោយ

តំបន់ប្រវត្តិសាស្ត្រយោធាតេជោសារតាំងនិងក្លាយជាទីតាំងទេសចរណ៍ប្រវត្តិសាស្ត្រសំរាប់អ្នកជំនាន់ក្រោយ បន្ទាប់ពីត្រូវបានកែលំអរឡើងវិញ រាល់សមិទ្ធផល ចាស់ៗនិងកសាងបន្ថែមទៀត នូវហេដ្ឋារចនាសម្ព័ន្ធ គ្រប់គ្រាន់ទីតាំងនេះ។

លោកវរសេនីយ៍ឯក យ៉ែម សារឿន នាយករងនៃនាយកដ្ឋានវិទ្យាស្ថានប្រវត្តិសាស្រ្តយោធាប្រសាសន៍នៅថ្ងៃទី១៤ ខែមករា ឆ្នាំ ២០២៣ ដូច្នេះខណៈ អញ្ជើញចុះពិនិត្យស្ថានភាពជាក់ស្ដែងដើម្បីចាក់បំពេញ​ទីធ្លា ធ្វើប្រព័ន្ធលូ នៅតំបន់ប្រវត្តិសាស្ត្រយោធាតេជោសារតាំងបញ្ជៀសការលិចលុងនារដូវវស្សា ។​ក្នុងនោះក៏មាន លោកវរសេនីយ៍ឯក ផុន សុធារ៉ា មេបញ្ជាការរងតំបន់ប្រតិបត្តិការសិករងខេត្តបន្ទាយមានជ័យ លោកស្រី លោកស្រី មួង សុភឿន អភិបាលរងស្រុកម៉ាឡៃ លោកជា រិទ្ធ មេបញ្ជការផ្នែកសិករងស្រុកម៉ាឡៃ ពលទាហាន និងមន្ត្រីមូលដ្ឋានចូលរួម។

លោកស្រី មួង សុភឿន អភិបាលរងស្រុកម៉ាឡៃបានបញ្ជាក់អោយដឹងថា៖ កន្លងមកទីតាំងប្រវត្តិសាស្ត្ររងការប៉ះពាល់ដោយជំនន់ទឹកភ្លៀង ធ្វើអោយខូចខាតរចនាសម្ព័ន្ធផ្លូវ លូរំដោះទឹក បរិវេណធ្លាទីសារតាំងប្រវត្តិសាស្ត្រ លិចសួនច្បារ បង្កឲ្យដើមឈើជាច្រើនដើមត្រូវងាប់ជាបន្តបន្ទាប់ ដោយមើលឃើញផលប៉ះពាល់នេះអភិបាលស្រុកម៉ាឡៃលោក ស្វាយ ជា បានគៀងគរសប្បរសជនដាក់លូរំដោះទឹកប្រមាណជា២២៥កង ធ្វើរ៉េហ្គែ គ្រោងចាក់ផ្លូវបេតុងដែលមានទទឹង ៨ម៉ែត្រចូលក្នុងទីតាំងប្រវត្តិសាស្ត្រផងដែរ។

ជាមួយគ្នានោះ លោកស្រី មួង សុភឿនថ្លែងអំណរគុណដល់សប្បរសជនក្នុងមូលដ្ឋានពិសេសឯកឧត្ដម ឈឹត ឈឿន ប្រធានក្រុមហ៊ុនKCគ្រុបតំបន់ប្រតិបត្តិការសិករងម៉ាឡៃ ផ្នែកប្រតិបត្តិការសិករងម៉ាឡៃដែលបានគាំទ្រ និងថែរក្សាកន្លងមក។

លោកវរសេនីយ៍ឯក យ៉ែម សារឿន នាយករងនៃនាយកដ្ឋានវិទ្យាស្ថានប្រវត្តិសាស្រ្តយោធាមាន​ប្រសាសន៍ថា៖ ក្រោយមានការលិចលុងដោយជំនន់ទឹកភ្លៀងក្រុមការងារស្រាវជ្រាវប្រតិសាស្ត្រ យោធាគ្រោងនិងស្ថាបនាឡើងវិញនូវហេដ្ឋារចនាសម្ព័ន្ធ សំណង់ប្រវត្តិសាស្ត្រ រៀបចំសួន កែលំអរអោយគ្រប់ជ្រុងជ្រោយ ក្នុងតំបន់ប្រវត្តិសាស្ត្រយោធាតេជោសារតាំង ព្រោះតំបន់នេះនឹងក្លាយជាទីតាំងទេសចរណ៍ប្រវត្តិសាស្ត្រសំរាប់អ្នកជំនាន់ក្រោយ ងាយស្រួលក្នុងការសិក្សាស្រាវជ្រាវប្រវត្តិសាស្ត្រ ក្នុងសម័យមុនៗដែលវីរៈជនបានសាងឡើងក្នុងបំណងការពារបូរណ៍ភាពទឹកដី។

ជាមួយគ្នានោះដែរ លោកវរសេនីយ៍ឯក យ៉ែម សារឿន ក៏បានថ្លែងអំណរគុណដល់គ្រប់បណ្ដាអង្គភាពព័ន្ធ និងសប្បរសជនដែលបានជួយឧបត្ថមគាំទ្រ ទាំងស្មារតីនិងថវិការដើម្បីអោយតំបន់ប្រវត្តិសាស្រ្តមួយនេះលេចមុខមាត់បង្អួតទេសចរណ៍នាថ្ងៃអនាគត់ ៕