ឯកឧត្តម ហង្ស សាមឿន ប្រគល់សម្ភារៈសង្រ្គោះផ្ទៃទឹក ជូនកងប្រតិបត្តិការរុករក និងសង្រ្គោះគ្រោះមហន្តរាយ៧១១ កងពលតូចលេខ៧០។
ភ្នំពេញ៖ នៅថ្ងៃទី១៣ ខែមករា ឆ្នាំ២០២៣ គណៈកម្មាធិការជាតិគ្រប់គ្រងគ្រោះមហន្តរាយប្រារព្ធពិធីប្រគល់ និងទទួលសម្ភារៈសង្រ្គោះផ្ទៃទឹក ជូនដល់កងប្រតិបត្តិការរុករក និងសង្រ្គោះគ្រោះមហន្តរាយ៧១១ កងពលតូចលេខ៧
ក្រោមអធិបតីភាព ឯកឧត្តម ហង្ស សាមឿន អនុប្រធានទី២ នៃគណៈកម្មាធិការជាតិគ្រប់គ្រងគ្រោះមហន្តរាយ តំណាង ឯកឧត្តម នាយឧត្តមសេនីយ៍ កិត្តិសង្គហបណ្ឌិត គន់ គីម អនុប្រធានទី១ នៃគណៈកម្មាធិការជាតិគ្រប់គ្រងគ្រោះមហន្តរាយ។
ឯកឧត្តម ហង្ស សាមឿន បានកោតសរសេីរ វាយតម្លៃខ្ពស់ចំពោះស្មារតីយកចិត្តទុកដាក់របស់លោកឧត្តមសេនីយ៍ឯក ម៉ៅ សុផាន់ មេបញ្ជាការរងកងទ័ពជេីងគោក មេបញ្ជាការកងពលតូចលេខ៧០ និងកងប្រតិបត្តិការរុករក និងសង្រ្គោះគ្រោះមហន្តរាយ៧១១ ដែលតែងតែមានវត្តមានក្នុងការជួយសង្រ្គោះប្រជាពលរដ្ឋ នៅពេលមានគ្រោះមហន្តរាយកេីតឡេីងនាពេលកន្លងមក។
ឯកឧត្តម បានមានប្រសាសន៍បន្ថែមទៀតថា កងប្រតិបត្តិការរុករក និងសង្រ្គោះគ្រោះមហន្តរាយ៧១១ ជាកងប្រតបត្តិការដែលមានស្នាដៃឆ្នេីម និងសកម្មក្នុងការសង្រ្គោះប្រជាពលរដ្ឋដែលរងគ្រោះ ដោយគ្រោះមហន្តរាយ។ ជាក់ស្តែង នៅក្នុងបេសកកម្មថ្មីៗនេះ កងប្រតិបត្តិការរុករក និងសង្រ្គោះគ្រោះមហន្តរាយ៧១១ បានចូលរួមយ៉ាងសកម្មក្នុងការរុករក និងសង្រ្គោះករណីអគ្គិភ័យនៅចំណុចកាស៊ីណូ ហ្រ្គែនដាយមិន ក្នុងក្រុងប៉ោយប៉ែត ខេត្តបន្ទាយមានជ័យ កាលពីចុងឆ្នាំ២០២២នេះផងដែរ។
ក្នុងពិធីប្រគល់ និងទទួលនេះដែរ ឯកឧត្តម អនុប្រធានទី២ នៃគណៈកម្មាធិការជាតិគ្រប់គ្រងគ្រោះមហន្តរាយ បានថ្លែងនូវអំណរគុណដ៏ឧត្គុង្គឧត្តមបំផុតចំពោះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងជាប្រធានគណៈកម្មាធិការជាតិគ្រប់គ្រងគ្រោះមហន្តរាយ ដែលបានអនុញ្ញាតឱ្យបង្កេីតកងប្រតិបត្តិការរុករង និងសង្រ្គោះគ្រោះមហន្តរាយ១៦កងនេះឡេីង ព្រមទាំងបានបំពាក់ឧបករណ៍សម្ភារៈ ដល់កងសង្គ្រោះតាមរយះឯកឧត្តម នាយឧត្តមសេនីយ៍ កិតិ្តសង្គហបណ្ឌិត គន់ គីម។
ឯកឧត្តម ហង្ស សាមឿន បាន ថ្លែងអំណរគុណ និងជូនពរដល់កងប្រតិបត្តិការរុករក និងសង្រ្គោះគ្រោះមហន្តរាយ៧១១ កងពលតូចលេខ៧០ ឱ្យមានសុខភាពរឹងមាំ ដេីម្បីអភិវឌ្ឍន៍សមត្ថភាពរបស់ខ្លួន និងជោគជ័យរាល់ការបំពេញបេសកកម្មប្រតិបត្តិការរុករកសង្រ្គោះ ជូនដល់ប្រជាពលរដ្ឋដែលបានជួបគ្រោះមហន្តរាយនានាផងដែរ៕
