ឧត្តមសេនីយ៍ឯក ណុប វី ដឹកនាំកិច្ចប្រជុំបន្តរបស់ក្រុមការងារដើម្បីពិនិត្យ និងកែសម្រួលខ្លឹមសារសៀវភៅគោលជំនាញកិច្ចការច្រកទ្វារ នៃអគ្គនាយកដ្ឋានអន្តោប្រវេសន៍

ភ្នំពេញ៖ ឯកឧត្តម ឧត្តមសេនីយ៍ឯក ណុប វី អគ្គនាយករងអន្តោប្រវេសន៍ និងជាប្រធានក្រុមការងារចំពោះកិច្ចដើម្បីពិនិត្យ និងកែសម្រួលខ្លឹមសារសៀវភៅគោលជំនាញកិច្ចការច្រកទ្វារ នៃអគ្គនាយកដ្ឋានអន្តោប្រវេសន៍ នារសៀលថ្ងៃព្រហស្បត្តិ៍ ទី១២ ខែមករា ឆ្នាំ២០២៣ បានដឹកនាំកិច្ចប្រជុំបន្តរបស់ក្រុមការងារ ដោយមានការចូលរួមពីឯកឧត្តម អស់លោកជាអនុប្រធាន និងសមាជិកក្រុមការងារ។

ជាកិច្ចចាប់ផ្តើម ឯកឧត្តម ឧត្តមសេនីយ៍ឯក ណុប វី ប្រធានអង្គប្រជុំបានមានមតិបើកអង្គប្រជុំ និងស្នើដល់អង្គប្រជុំពិនិត្យទៅលើខ្លឹមសារមួយចំនួននៃសៀវភៅគោលមេរៀនជំនាញកិច្ចការច្រកទ្វារ ដែលមានចំនួន ៧ជំពូក។

នៅក្នុងកិច្ចប្រជុំនេះ អង្គប្រជុំបានពិនិត្យសម្រេចទៅលើខ្លឹមសារមេរៀនសរុបបានចំនួន ៣ជំពូក។​ ក្រុមការងារនឹងបន្តកិច្ចប្រជុំរបស់ខ្លួនទៀត នៅសប្តាហ៍ក្រោយ ៕