ភ្នំពេញ៖ ក្រុមសមាជិកព្រឹទ្ធសភាប្រចាំភូមិភាគទី១ ដឹកនាំដោយឯកឧត្តមកិត្តិសេដ្ឋាបណ្ឌិត ជា ជេដ្ឋ ប្រធានក្រុមភូមិភាគទី១ នាព្រឹកថ្ងៃទី១២ ខែមករា ឆ្នាំ២០២៣ បានជួបប្រជុំជាមួយក្រុមប្រឹក្សាសង្កាត់ទាំង៦ នៃខណ្ឌសែនសុខ ស្តីពីការអភិវឌ្ឍមូលដ្ឋានសង្កាត់ ខណ្ឌ ការងារភូមិ សង្កាត់មានសុវត្ថិភាព និងការផ្តល់សេវាសាធារណៈ ដេីម្បីឆ្ពោះទៅការរៀបចំវេទិកាភូមិភាគទី១នាពេលខាងមុខ នៅសាលាខណ្ឌសែនសុខ រាជធានីភ្នំពេញ។
កិច្ចពិភាក្សានេះ មានការអញ្ជើញចូលរួមពីលោកស្រី ឈាន សុខេន ប្រធានក្រុមប្រឹក្សាខណ្ឌ និងលោក ម៉ូវ ម៉ានិត អភិបាល នៃគណៈអភិបាលខណ្ឌសែនសុខ សមាជិកាក្រុមប្រឹក្សាខណ្ឌ សមាជិក សមាជិកាក្រុមប្រឹក្សាសង្កាត់ទាំង៦ អធិការនគរបាលខណ្ឌ ស្មៀនសង្កាត់ទាំង៦ នាយប៉ុស្តិ៍នគរបាលសង្កាត់ទាំង៦ តំណាងយុវជន-នារីខណ្ឌសរុបចំនួន៩២ ដោយផ្តោតសំខាន់លេីការលំបាក បញ្ហាសេសសល់ និងសំណូមពរអំពី៖
១. ការងារអភិវឌ្ឍន៍មូលដ្ឋានសង្កាត់
២. គោលនយោបាយភូមិ ឃុំ សង្កាត់ សុវត្ថិភាពសាធារណៈ
៣. ការផ្តល់សេវាសាធារណៈជូនប្រជាជន និងការងារជំរុញយុវជន-នារី នៅថ្នាក់ខណ្ឌការគ្រប់គ្រងសេដ្ឋកិច្ចសេវាក្រៅប្រព័ន្ធ ៕
