លោក សេង សិលា អញ្ជេីញចូលរួមជាគណៈអធិបតីក្នុងពិធីក្រុពាលីរៀបចំសាងសង់ទីលានទុកដាក់សំរាម សំណល់រឹង នៅភូមិអកនាគ ក្រុងស្វាយរៀង
ភ្នំពេញ៖ លោក សេង សិលា អភិបាលរងខេត្តស្វាយរៀង តំណាងឯកឧត្តម ម៉ែន វិបុល អភិបាលខេត្ត នាព្រឹកថ្ងៃទី១៦ ខែធ្នូ ឆ្នាំ២០២២នេះ បានអញ្ជេីញចូលរួមជាគណៈអធិបតីជាមួយគណៈប្រតិភូក្រសួងបរិស្ថានដឹកនាំដោយឯកឧត្តម ចាយ សាមិត្ត រដ្ឋលេខាធិការក្រសួងបរិស្ថានក្នុងពិធីក្រុពាលីរៀបចំសាងសង់ទីលានទុកដាក់សំរាម សំណល់រឹងនៅភូមិអកនាគ សង្កាត់សង្ឃ័រ ក្រុងស្វាយរៀង ខេត្តស្វាយរៀង។
ពិធីនេះក៏មានការចូលរួមអមដំណើរដោយឯកឧត្តម ហេង ណារ៉េត អនុរដ្ឋលេខាធិការក្រសួងបរិស្ថាន ឯកឧត្តម យឹម សាលីន អគ្គនាយកសហគ្រាសគ្រប់គ្រងស្ថានីយផ្ទេរនិងទីលានទុកដាក់សំរាម សំណល់រឹង និងមន្ត្រីជំនាញនាយកដ្ឋានពាក់ពន្ធ័ លោកនាយករងទីចាត់ការរដ្ឋបាលសាលាខេត្ត លោកអភិបាលរងក្រុង,លោកស្រីចៅសង្កាត់សង្ឃរ័លោកមេភូមិអកនាគ,ព្រមទាំងលោកប្រធានមន្ទីរ,លោកអនុប្រធានមន្ទីរព្រមទាំងមន្ត្រីរាជការនៃមន្ទីរបរិស្ថានខេត្ត។
ក្នុងនាមតំណាងឲ្យឯកឧត្តម ម៉ែន វិបុល អភិបាលខេត្ត និងឯកឧត្តម សេង សិលា បានថ្លែងនូវការអរគុណចំពោះឯកឧត្តមរដ្ឋមន្ត្រីក្រសួងបរិស្ថានដែលបានយកចិត្តទុកដាក់ទៅលេីបញ្ហាអនាម័យបរិស្ថានក្នុងខេត្ត ជាពិសេសក្នុងក្រុងស្វាយរៀងហេីយការរៀបចំឲ្យមាននូវទីលានទុកដាក់សំរាម សំណល់រឹង និងរោងចក្រកែច្នៃសម្រាមដែលនឹងត្រូវបេីកដំណេីរនៅពេលខាងមុខ។ ទាំងនេះគឺពិតជាបានរួមចំណែកយ៉ាងសំខាន់ទៅលេីសោភ័ណ្ឌភាពក្នុងក្រុង និងទីប្រជុំជននានា ព្រោះយេីងមានកន្លែងទុកដាក់សម្រាម និងរោងចក្រកែច្នៃត្រឹមត្រូវតាមបច្ចេកទេស៕
