ខឹងគ្រួសារស្តីបន្ទោស ក្មេងស្រីម្នាក់សម្រេចចិត្តចងក ធ្វើអត្តឃាតសម្លាប់ខ្លួន
ភ្នំពេញ៖ នៅថ្ងៃទី៣០ ខែវិច្ឆិកា ឆ្នាំ២០២២ វេលាម៉ោង១២ និង០០នាទីព្រឹក មានករណីក្មេងស្រីម្នាក់បានចងកធ្វើអត្តឃាតសម្លាប់ខ្លួន នឹងខ្សែ ទំហំ ១០លី ស្ថិតនៅក្នុងភូមិជីត្រេះ ឃុំអណ្តូងទឹក ស្រុកបូទុមសាគរ ខេត្តកោះកុង ។
ក្រោយពីទទួលបានពត៌មានពីប្រជាពលរដ្ឋ កម្លាំងជំនាញអធិការដ្ឋានស្រុកបូទុមសាគរ នៃស្នងការដ្ឋាននគរបាលខេត្តកោះកុង បានសហការជាមួយ លោកគ្រូពេទ្យមណ្ឌលសុខភាព និងអាជ្ញាធរភូមិ-ឃុំ បានចុះត្រួតពិនិត្យសពឈ្មោះ បៀប ម៉ូលីកា ភេទស្រី អាយុ ១២ឆ្នាំ មានទីលំនៅកន្លែងកើតហេតុខាងលើ ។
តាមរយៈការពិនិត្យ សពមានស្លាកស្នាមជាំ ត្រង់ក ទៅត្រចៀកម្ខាងទៅម្ខាង និងស្នាមជាំត្រង់ខ្នង និងមាត់ខាំចុងអណ្ដាត។ តាមការបញ្ជាក់ពីលោកគ្រូពេទ្យសព ពិតជាបានស្លាប់ដោយចងកធ្វើអត្តឃាតពិតប្រាកដមែន ។
យោងតាមការបំភ្លឺរបស់បងស្រី និងម្ដាយសព បានបញ្ជាក់ សពបានខឹងពីការស្ដីបន្ទោសរបស់ក្រុមគ្រួសារ ។បច្ចុប្បន្ន សពបានប្រគល់ជូនសាច់ញាតិរៀបចំធ្វើបុណ្យតាមប្រពៃណី៕
