ឯកឧត្តម អ៊ុំ រាត្រី ចុះជួបសំណេះសំណាលសួរសុខទុក្ខប្រជាពលរដ្ឋមានជីវភាពខ្វះខាត ចាស់ជរា ដែលទទួលរងគ្រោះដោយសារទឹកជំនន់ ក្នុងឃុំចំនួន៥ ក្នុងខេត្តបន្ទាយមានជ័យ

ភ្នំពេញ៖ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ និងលោកជំទាវ ជ័យ ណារី ព្រមទាំងក្រុមការងារ នៅថ្ងៃទី១១ តុលា ឆ្នាំ២០២២នេះ បានចុះជួបសំណេះសំណាលសួរសុខទុក្ខពុកម៉ែបងប្អូនមានជីវភាពខ្វះខាត ចាស់ជរា ស្ថិតនៅឃុំចំនួន៥ ដែលទទួលរងគ្រោះដោយសារទឹកជំនន់ និងផ្តល់អំណោយដ៍ថ្លៃថ្លារបស់សម្តេចតេជោ ហ៊ុន សែន នាយករដ្ឋមន្ត្រី និងសម្តេចកិត្តិព្រឹទ្ធិបណ្ឌិត។

ឃុំចំនួន៥ នោះរួមមានៈ ១.ឃុំគយម៉ែង វត្តផ្លូវសៀម, ២.ឃុំឬស្សីក្រោក វត្តកោះកែវ, ៣.ឃុំបន្ទាយនាង វត្តបន្ទាយនាង , ៤.ឃុំភ្នំតូច វត្តអូរញរ, ៥.ឃុំ តាឡំ សាលាឃុំតាឡំស្រុកមង្គលបូរី ខេត្តបន្ទាយមានជ័យ។

ឯកឧត្តម អ៊ុំ រាត្រី បានពាំនាំការផ្តាំផ្ញើសួរសុខទុក្ខពីសំណាក់ សម្តេចតេជោ ហ៊ុន សែន នាយករដ្ឋមន្ត្រី និងនិងសម្តេចកិត្តព្រឹទ្ធបណ្ឌិត ប៊ុន រ៉ានី ហ៊ុន សែន ដល់បងប្អូនប្រជាពលរដ្ឋទាំងអស់ដោយក្តីនឹករលឹក ជានិច្ចកាលសម្តេចតែងតែយកចិត្តទុក្ខដាក់ខ្ពស់ចំពោះសុខទុក្ខលំបាកប្រជាពលរដ្ឋ ។

បើទោះបីជាយ៉ាងណា ឯកឧត្តម អ៊ុំ រាត្រី បានជម្រាបប្រជាពលរដ្ឋថា សម្តេចតេជោនាយករដ្ឋមន្ត្រី បានណែនាំឱ្យត្រៀមលក្ខណៈរួចហើយក្នុងការជួយពលរដ្ឋ ដើម្បីស្តារការខូចខាតឡើងវិញ ក្រោយពេលទឹកស្រកទៅ វិញ ។ អ្វីដែលត្រូវយកចិត្តទុកដាក់នៅពេលនេះ គឺត្រូវរក្សាសុខភាព រក្សាអាយុជីវិតពីគ្រោះទឹកជំនន់៕