ឯកឧត្តម កេង សុម៉ារិទ្ធ អញ្ជើញចូលរួមជាគណៈអធិបតីបើកវគ្គបណ្តុះបណ្តាលមន្ត្រីនគរបាលយុត្តិធម៌ ជំនាន់ទី១ ដល់កងកម្លាំងនគរបាលការពារព្រំដែន
ភ្នំពេញ៖ ឯកឧត្តម កេង សុម៉ារិទ្ធ រដ្ឋលេខាធិការក្រសួងយុត្តិធម៌ នៅថ្ងៃទី៣ ខែតុលា ឆ្នាំ២០២២ បានអញ្ជើញចូលរួមជាគណៈអធិបតីក្នុងពិធីបើកវគ្គបណ្តុះបណ្តាលមន្ត្រីនគរបាលយុត្តិធម៌ ជំនាន់ទី១ ដល់កងកម្លាំងនគរបាលការពារព្រំដែននៃនាយកដ្ឋានកណ្តាលនគរបាលព្រំដែននៃអគ្គស្នងការដ្ឋាននគរបាលជាតិនៃក្រសួងមហាផ្ទៃ ប្រចាំឆ្នាំ២០២២ ចំនួន ១៤៤ រូប។
ពិធីនេះធ្វើឡើងនៅខេត្តព្រះវិហារ ដោយមានការអញ្ជើញចូលរួមពីសំណាក់ ឯកឧត្តមនាយឧត្តមសេនីយ៍ ខេង សុមេធ អគ្គស្នងការរង និងជាមេបញ្ជាការនគរបាលជាតិប្រចាំទិសភូមិភាគទី៤ និងទី៥ ឯកឧត្តម ប្រធាន និងអនុប្រធាននាយកដ្ឋានជំនាញទាំងបីប្រចាំព្រំដែន ព្រមទាំងស្នងការ ស្នងការរង មន្ត្រីរាជការ និងកងកម្លាំងប្រដាប់អាវុធជាច្រើនរូបទៀត៕
