នាយឧត្ដមសេនីយ៍ សែម សុវណ្ណនី ដឹកនាំកិច្ចប្រជុំការងារត្រៀម បញ្ជូនទ័ពមួកខៀវ ចេញទៅបំពេញបេសកកម្ម របស់អង្គការសហប្រជាជាតិ នៅអាហ្វ្រិកកណ្ដាល
ភ្នំពេញ៖ ឯកឧត្តម នាយឧត្ដមសេនីយ៍ សែម សុវណ្ណនី អនុប្រធានគណៈកម្មាធិការជាតិ និងជាអគ្គនាយក មជ្ឈមណ្ឌលជាតិគ្រប់គ្រងកងកម្លាំងរក្សាសន្តិភាព នាថ្ងៃទី១៥ ខែកញ្ញា ឆ្នាំ២០២២ បានអញ្ជើញជាអតិបតី ក្នុងកិច្ចប្រជុំការងារជាមួយ ឯកឧត្តម លោកជំទាវ អគ្គនាយករង ប្រធាននាយកដ្ឋាន នៅមជ្ឈមណ្ឌលជាតិ និងនាយទាហាន ដែលត្រៀម ចេញបំពេញបេសកកម្មរបស់អង្គការសហប្រជាជាតិ នៅសាធារណរដ្ឋអាហ្វ្រិកកណ្ដាល ។
កិច្ចប្រជុំនេះ ឯកឧត្តម បានលើកឡើងពីរបៀបថែទាំសម្ភារៈ និងគ្រឿងបំពាក់ ហើយក៏បានផ្ដល់នូវអនុសាសន៍ល្អៗ នូវបទពិសោធន៍ការងារ និងបញ្ហាប្រឈមនានា ដល់កងដែលត្រៀមចេញបំពេញបេសកកម្មដល់កងEOD (ថ្មី) ។
