កម្លាំងតំបន់ប្រតិបត្តិការសឹករងបន្ទាយមានជ័ បន្តល្បាតតាមត្រួតពិនិត្យខ្សែរបន្ទាត់ព្រំដែន ក្នុងភូមិសាស្ត្រទទួលខុសត្រូវ

ភ្នំពេញ៖ ក្រោមការដឹកនាំបញ្ជា និងយកចិត្តទុកដាក់ខ្ពស់ពីលោឧត្តមសេនីយ៍ត្រី ជឹម ប៊ុនអាន មេបញ្ជាការតំបន់ប្រតិបត្តិការសឹករងបន្ទាយមានជ័យ លោក វរសេនីយ៍ឯក កែវ ស៊ីថា មេបញ្ជាការរង តំបន់ប្រតិបត្តិការសឹករងបន្ទាយមានជ័យ ទទួលការងារព្រំដែន នាថ្ងៃទី៤ ខែសីហា ឆ្នាំ២០២២ បានដឹកនាំកម្លាំងដើរល្បាតត្រួតពិនិត្យភូមិសាស្ត្រ និងបង្គោលសីមា តាមខ្សែបន្ទាត់ព្រំដែន កម្ពុជា-ថៃ ដែលអង្គភាពទទួលខុសត្រូវ ទប់ស្កាត់ការលួចឆ្លងដែនខុសច្បាប់ឬបទល្មើសផ្សេងៗ ជាពិសេសការលួចនាំចេញនៅរថយន្តចង្កូតស្តាំ តាមអនុសាសន៍ដ៏ខ្ពង់ខ្ពស់ របស់ សម្តេចអគ្គមហាសេនាបតីតេជោ នាយករដ្ឋមន្រ្តី នៃព្រះរាជាណាចក្រកម្ពុជា ដែលហាមដាច់ខាតការលួចនាំចូលរថយន្ត ចង្កូតស្តាំដោយខុសច្បាប់។

លោក វរសេនីយ៍ឯក កែវ ស៊ីថាមេបញ្ជាការរង ទទួលការងារព្រំដែន តែងតែដាស់តឿន និងពាំនាំបទបញ្ជារបស់លោកមេបញ្ជាការតំបន់ប្រតិបត្តិការសឹក ដល់កម្លាំងឈរជើងតាមបណ្តាគោលដៅទាំងអស់ បង្កើនការយកចិត្តទុកដាក់ ទប់ស្កាត់រាល់បទល្មើសឆ្លងដែនគ្រប់ប្រភេទ និងការពារខ្សែបន្ទាត់ព្រំដែន បង្គោលសីមា ដោយសហការយ៉ាងជិតស្និតជាមួយអង្គភាពមិត្ត និងអាជ្ញាធរមានសមត្ថកិច្ច ក្នុងការចូលរួមសម្រេចអោយបានរាល់ភារកិច្ចខាងលើ ជាពិសេស ការជំងឺកូវីដ-១៩ប្រភេទថ្មី BA4, BA5 និងជំងឺអុតស្វា ដ៏កាចសាហាវ ដោយបន្តអនុវត្តតាមប្រសាសន៍ ដ៏ថ្លៃថ្លារបស់សម្តេចអគ្គមហាសេនាបតីតេជោ នូវវិធានការ ៣ការពារ ៣កុំជាប់ជាប្រចាំ៕