ឯកឧត្តម អ៊ូច ភា អញ្ជេីញបញ្ជុះបឋមសីលាសាងសង់អាគារដ្ឋបាលកម្ពស់ ២ជាន់ នៃស្នងការដ្ឋាននគរបាលខេត្តតាកែវ ដែលគ្រោងចំណាយជាង ៦០ម៉ឺនដុល្លារ

ភ្នំពេញ៖ នៅព្រឹកថ្ងៃពុធ ទី៣ ខែសីហា ឆ្នាំ២០២២ ឯកឧត្តម អ៊ូច ភា អភិបាលខេត្តតាកែវ និងលោកជំទាវ ស្រី ប៉ុណ្ណាដាវី ព្រមទាំង លោក ខាន់ សុខា អភិបាលរងខេត្ត ឯកឧត្តមប្រធានសាលាដំបូងខេត្ត លោកឧត្តមសេនីយ៍ទោ ឈាង ផាន់ណារ៉ា ស្នងការនគរបាលខេត្ត និងលោកស្រី ប៉ែន រតនរំចង់ និងមានការអញ្ជើញចូលរួមដោយ លោកមេបញ្ជាតំបន់ប្រតិបត្តិការសឹករងខេត្ត លោកឧត្តមសេនីយ៍ត្រី មេបញ្ជារងកងរាជអាវុធហត្ថខេត្ត លោក លោកស្រី ស្នងការរងនគរបាលខេត្ត និងមន្រ្តីពាក់ព័ន្ធ បានអញ្ជើញបញ្ជុះបឋមសីលាសាងសង់អាគារដ្ឋបាល កម្ពស់ ២ជាន់ នៃស្នងការដ្ឋាននគរបាលខេត្តតាកែវ។

ឆ្លៀតក្នុងឱកាសនោះដែរ ឯកឧត្តម អ៊ូច ភា អភិបាលខេត្តតាកែវ ក៏បានណែនាំដល់ក្រុមការងារពាក់ព័ន្ធ ជាពិសេសក្រុមហ៊ុនទទួល ការសាងសង់ ត្រូវអនុវត្ត តាម បទ ប ដ្ឋា នប ច្ចេកទេស ដែលមាន ក្នុង កិច្ចសន្យា សាងសង់ ដើម្បី ធានាបាន គុណភាព សំណង់ និង ត្រូវ ព ន្លឿ ន ការសាងសង់ តាម កិច្ចសន្យា ដែល បានកំណត់ ។ ជាមួយគ្នានេះ មន្ត្រី បច្ចេកទេស ត្រូវ ចុះ ពិនិត្យ លក្ខណៈ បច្ចេកទេស តាម ជំហាន នីមួយៗ ឲ្យ ស្របតាម លក្ខណៈ បច្ចេកទេស សំណង់ ដើម្បី ធានាបាន គុណភាព របស់ សំណង់ ផងដែរ ។

បើតាមការបញ្ជាក់ឱ្យដឹងពី លោកឧត្តមសេនីយ៍ទោ ឈាង ផាន់ណារ៉ា ស្នងការនគរបាលខេត្តតាកែវ បានបញ្ជាក់ថា អាគាររដ្ឋបាលដែលបានបញ្ជុះបឋមសីលាសាងសង់ព្រឹកនេះ មានកម្ពស់ ២ជាន់ ទទឹង ៣០ម៉ែត្រ និងបណ្ដោយ ៣៣ម៉ែត្រ មានចំនួន ២៥បន្ទប់ ដែលនឹងគ្រោងចំណាយថវិកាសាងសង់ ចំនួន ៦៥ម៉ឺនដុល្លារសហរដ្ឋអាមេរិក៕