ព្រឹត្តិការណ៍ប្រកួតបាល់ទាត់មិត្តភាព និងមនុស្សធម៌ រវាងក្រុមបាល់ទាត់តារាកម្ពុជា និងក្រុមបាល់ទាត់សហភាព សហព័ន្ធយុវជនកម្ពុជាខេត្តបន្ទាយមានជ័យ ដើម្បីកៀរគរមូលនិធិសប្បុរសធម៌ ជួយឧបត្ថម្ភគាំទ្របន្តដល់បងប្អូនវីរកងទ័ព និងប្រជាជនភៀសសឹក

បន្ទាយមានជ័យ៖ កម្ពុជាសន្តិភាព កីឡារស់ក្នុងសន្តិភាព នៅបរិវេនទីលានកីឡានៃវិទ្យាល័យ ហ៊ុន សែន ខ្លាកូន ក្នុងសង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ
កាលពីរសៀលថ្ងៃទី៥ ខែឧសភា ឆ្នាំ២០២៦លោក កែ សួនសុភាព ប្រធានសហភាពសហព័ន្ធយុវជនកម្ពុជា ខេត្តបន្ទាយមានជ័យ បានទទួលស្វាគមន៍និងបើកកម្មវិធីព្រឹត្តិការណ៍ប្រកួតបាល់ទាត់មិត្តភាពរវាងក្រុមកីឡាករ ស.ស.យ.ក. ខេត្តបន្ទាយមានជ័យ និងក្រុមកីឡាបាល់ទាត់តារាកម្ពុជា(CFSS) ក្រោមប្រធានបទ «កម្លាំងសាមគ្គី ដើម្បីជួរមុខ និងសន្តិភាព» ព្រឹទ្ធិការរប្រកួតនេះមានការចូលរួមពីលោក លោកស្រីអភិបាលរងខេត្តប្រធាន.អនុប្រមន្ទីរជុំវិញខេត្ត និងទស្សនិកជនប្រមាណជាង ៧០០០នាក់ទស្សនា។

ទន្ទឹមជាមួយគ្នានោះដែរលោក កែ សួនសុភាព កំពុងបានមានប្រសាសន៍លើកឡើងថាក្នុងព្រឹត្តិការណ៍នេះរៀបចំក្នុងគោលបំណង៖
-កៀរគរមូលនិធិសប្បុរសធម៌ ជួយឧបត្ថម្ភគាំទ្របន្តដល់បងប្អូនវីរកងទ័ព និងប្រជាជនភៀសសឹក។
– លើកទឹកចិត្ត និងសម្ដែងការ អរគុណ ដឹងគុណ ចំពោះបងប្អូនវីរកងទ័ព និងគាំទ្រលើកទឹកចិត្តពួកគាត់ ជានិច្ច ក្នុងគ្រប់កាលៈទេសៈ។
-ពង្រឹងសាមគ្គីភាពជាតិ គាំទ្រគ្នា ជួយគ្នា រួមសុខរួមទុក្ខជាមួយគ្នា « ខ្មែរជួយខ្មែរ ខ្មែរតែមួយ» ក្នុងបុព្វហេតុការពារជាតិ និងសន្តិភាព។

ការប្រកួតវគ្គផ្តាច់ព្រ័ត្របាល់ទាត់មិត្តភាព និងសប្បុរសធម៌ យ៉ាងស្វិត ស្វាញអស់រយៈពេល១ល្ងាចនេះ ជាលទ្ធផលស្មើគ្នា ក្រុមបាល់ទាត់តារាកម្ពុជា ទាត់ចូលបានចំនួន៣គ្រាប់ ចំណែកក្រុមកីឡាករសហភាពសហព័ន្ធយុវជនកម្ពុជា ខេត្តបន្ទាយមានជ័យ ទាត់ចូលបានចំនួន ៣គ្រាប់។

លោកបានបញ្ជាក់ទៀតថា សម្រាប់ការប្រគួតនេះការចាញ់ ឈ្នះវាមិនសំខាន់នោះទេ តែអ្វីដែលសំខាន់គឺ ស្មារតីនៃការរាប់អាន និងមានសាមគ្គីភាព រវាងកីឡាករនិងកីឡាករតែប៉ុណ្ណោះ។

ក្រោយពីបញ្ចប់នៃការប្រកួតលោក កែ សួនសុភាព បានធ្វើសេចក្ដីអំពាវនាវទៅដល់បងប្អូន ឬសមាជិក សមាជិការ សហព័ន្ធសហភាពយុវជនកម្ពុជា ក៏ដូចជាក្រុមកីឡាករទាំងអស់ទាំងអស់ចូលរួមក្នុងកម្មវិធីដាំដើមឈើនៅជុំរុំភៀសសឹកដែលកំពុងស្នាក់នៅភូមិស្លក្រាម ឃុំស្លក្រាម ស្រុកស្វាយចេក ខេត្តបន្ទាយមានជ័យ៕