កងអង្គរក្សប្រធានាធិបតីអាមេរិក បាញ់តទល់ជាមួយបុគ្គលគួរឱ្យសង្ស័យម្នាក់នៅក្បែរសេតវិមាន បណ្តាលឱ្យរបួសបញ្ជូនទៅកាន់មន្ទីរពេទ្យ

វ៉ាស៉ីនតោន៖ បើយោងតាមការចេញផ្សាយដោយទីភ្នាក់ងារសារព័ត៌មាន Reuters នាថ្ងៃអង្គារ ទី៥ ខែឧសភា ឆ្នាំ២០២៦ កងអង្គរក្សប្រធានាធិបតីអាមេរិក (US Secret Service) បានឱ្យដឹងថាមន្រ្តីរបស់ខ្លួន បានតទល់ជាមួយបុគ្គលគួរឱ្យសង្ស័យម្នាក់ នៅក្បែរសេតវិមាន ដែលក្រោយមកបានបាញ់មកលើពួកគេ មុនពេលរត់គេចដោយថ្មើរជើង និងត្រូវបានបាញ់បណ្តាលឱ្យរបួសធ្ងន់ ដោយកងកម្លាំងអនុវត្តច្បាប់។

លោក Matthew Quinn អនុប្រធានកងអង្គរក្ស និយាយថាអង្គរក្សដែល​ដើរ​ល្បាត នៅ​បរិវេណ​ខាងក្រៅ​សេតវិមាន​ បានឃើញបុគ្គល​ម្នាក់​គួរ​ឱ្យ​សង្ស័យម្នាក់ ​ដែល​ទំនង​ជា​មាន​អាវុធ។ បុគ្គលនោះព្យាយាមរត់​ ពេលឃើញមន្រ្តីអង្គរក្សដើរទៅ​ជិត ហើយ​បាន​បាញ់សំដៅមកពួកគេ តែត្រូវមន្រ្តីអង្គរក្សបាញ់តបបណ្តាលឱ្យរបួស រួចបញ្ជូនទៅកាន់មន្ទីរពេទ្យ។

តាមលោក Quinn ម៉ូតូអមដំណើរអនុប្រធានាធិបតី JD Vance ទើបឆ្លងកាត់តំបន់នេះមិនយូរប៉ុន្មាន មុនពេលមានឧប្បតិ្តហេតុ តែគ្មានចំណុចណាមួយបង្ហាញថា ជនសង្ស័យមានបំណងចូលទៅជិតលោក Vance នោះទេ។ឧប្បត្តិហេតុនោះ បាននាំឱ្យសេតវិមានបិទទ្វាររយៈពេលខ្លី៕