សម្ដេចធិបតី៖ រយៈពេល២០ឆ្នាំខាងមុខ ខេត្តស្វាយរៀង នឹងក្លាយជាខេត្តដ៏មានសក្ដានុពលរបស់កម្ពុជាជួយដល់សេដ្ឋកិច្ចជាតិ

ភ្នំពេញ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា មានប្រសាសន៍ថា សក្ដានុពលនៅខេត្តស្វាយរៀង ក្រៅពីវិស័យកសិកម្ម ក៏មានវិស័យឧស្សាហកម្មជាវិស័យដែលជាវិស័យដ៏មានសក្ដានុពលនាពេលខាងមុខ ដោយរយៈពេលប្រមាណ២០ឆ្នាំខាងមុខ ខេត្តនេះនឹងក្លាយជាខេត្តដ៏មានសក្ដានុពលរបស់កម្ពុជាជួយដល់សេដ្ឋកិច្ចជាតិ។

សម្ដេចធិបតីលើកឡើងបែបនេះក្នុងឱកាសអញ្ជើញជាអធិបតីភាពក្នុងពិធីសម្ពោធដាក់ឲ្យប្រើប្រាស់រោងចក្រប្រព្រឹត្តកម្មទឹកស្អាត ក្រុងស្វាយរៀង និងបើកការដ្ឋានសាងសង់គម្រោងពង្រីកហេដ្ឋារចនាសម្ព័ន្ធទឹកស្អាត ក្នុងខេត្តចំនួន៥ រួមមាន ខេត្តស្វាយរៀង ពោធិ៍សាត់ កំពង់ធំ កំពត និងខេត្តមណ្ឌលគិរី ក្រោមជំនួយហិរញ្ញប្បទានឥតសំណងរបស់រដ្ឋាភិបាលជប៉ុន តាមរយៈទីភ្នាក់ងារសហប្រតិបត្តិការអន្តរជាតិជប៉ុន (JICA) នៅព្រឹកថ្ងៃទី២៦ ខែមីនា ឆ្នាំ២០២៦នេះ។

ជាមួយគ្នានេះសម្ដេចធិបតីនាយករដ្ឋមន្រ្ដី បានកោតសរសើរចំពោះរដ្ឋបាលខេត្តស្វាយរៀងចំពោះការអនុវត្តបទបញ្ជារបស់រាជរដ្ឋាភិបាលលើការបោសសម្អាតបទល្មើសបច្ចេកវិទ្យា ដើម្បីរក្សាសន្ដិសុខ សុវត្ថិភាពដល់អ្នកវិនិយោគ និងប្រជាពលរដ្ឋ៕និងពង្រីកអត្រាគ្រប ដណ្តប់ក្នុងតំបន់សេវារបស់ខ្លួន (ក្រុងស្វាយរៀង និងឃុំចំនួន៥នៃស្រុកស្វាយជ្រំ) ពី៣២% ទៅ ៥៨%៕