ឯកឧត្តម សៅ សុខា អំពាវនាវឱ្យពលរដ្ឋទាំងអស់ទប់ស្កាត់ រាល់សកម្មដែលបង្កឡើងដោយជនអគតិមួយចំនួន ក្នុងការវាយប្រហារ មកលើការដឹកនាំ របស់ រាជរដ្ឋាភិបាលបច្ចុប្បន្ន

ស្វាយរៀង៖ឯកឧត្តម សៅ សុខា អំពាវនាវឱ្យពលរដ្ឋទាំងអស់ទប់ស្កាត់ រាល់សកម្មដែលបង្កឡើងដោយជនអគតិមួយចំនួន ក្នុងការវាយប្រហារ មកលើការដឹកនាំ របស់ រាជរដ្ឋាភិបាលបច្ចុប្បន្ន ដើម្បីបន្តចូលរួមការពារ និងអភិវឌ្ឍន៍ ជាតិ។

ក្នុងពិធីសម្ពោធបើកដាក់ឲ្យប្រើប្រាស់ជាផ្លូវការ កាលពីថ្ងៃទី០២ ខែកក្កដា ក្រោមវត្តមាន ឯកឧត្តម សៅ សុខា អនុប្រធានក្រុមការងារគណបក្សប្រជាជនកម្ពុជា ចុះជួយខេត្ត និងជាប្រធានក្រុមការងារចុះជួយស្រុករមាសហែក ឯកឧត្តម សៅ សុខា ក៏បានអំពាវនាវដល់លោកគ្រូ អ្នកគ្រូ ព្រះសង្ឃ ពិសេស ពលរដ្ឋទាំងអស់ ត្រូវចូលរួមថែរក្សាសមិទ្ធផលដែលកើត មាននៅតំបន់នេះ ឲ្យបានគង់វង្ស សម្រាប់ ប្រើប្រាស់ ផ្តល់ឲ្យកូនចៅរបស់យើងបាន ចូល សិក្សារៀនសូត្រក្រេបយកចំណេះដឹងកសាង ធនធាន មនុស្ស ដើម្បីបន្តចូលរួមការពារ និងអភិវឌ្ឍន៍ ជាតិ ពីបច្ចុប្បន្ន និងទៅអនាគត ពិសេស ត្រូវធ្វើការ ទប់ស្កាត់ រាល់សកម្មដែលបង្កឡើងដោយជនអគតិមួយចំនួន ក្នុងការវាយប្រហារ មកលើការដឹកនាំ របស់ រាជរដ្ឋាភិបាលបច្ចុប្បន្ន ក៏ដូចជាធ្វើការនឹងបន្តអនុវត្តនយោបាយភូមិ-ឃុំមានសុវត្ថិភាព បន្ថែម ទៀត ដើម្បីរួមចំណែកថែរក្សាសន្តិសុខសណ្ដាប់ធ្នាប់រក្សាសន្តិភាពអោយបានគង់វង្ស នាំកូនចៅ និង ក្រុមគ្រួសារ ទៅចាក់វ៉ាក់សាំងការពារជំងឺកូវីដ១៩ ឲ្យបានគ្រប់ៗគ្នា ពិសេសបន្តអនុវត្តវិធានការរបស់ ក្រសួង សុខាភិបាល ៣ការពារ និង ៣កុំ ឲ្យបានខ្ជាប់ខ្ជួនតាមរយៈ ការពាក់ម៉ាស រក្សាគំលាត ខណៈដែល ជំងឺកូវីដ-១៩ ។

ជាមួយគ្នានេះ ឯកឧត្តមថ្លែងអំណរគុណចំពោះ បណ្តាក្រុមហ៊ុន និង សប្បុរសជននានា ដែលបានរួមចំណែក ជាមួយរាជរដ្ឋាភិបាលក្នុងការកសាង សមិទ្ធផលថ្មីៗ បន្ថែមទៀត ផ្តល់ជូនដល់ពលរដ្ឋ ពិសេសផ្ដល់ជូនសិស្សានុសិស្ស ចូលសិក្សារៀនសូត្រ ខណៈដែល តំបន់ជាយដែនមួយនេះ ប្រឈមនឹងការកង្វះអាគារសិក្សា និងហេដ្ឋារចនាសម្ព័ន្ធផ្សេងៗទៀត ដើម្បីប្រើប្រាស់ផងដែរ៕