លោកស្រី ឃឹម គង្គាបរមី ដឹកនាំកិច្ចប្រជុំស្តីពីវឌ្ឍនភាពការងារសម្រេចបានប្រចាំឆមាសទី១ និងលើកទិសដៅបន្ត ឆ្នាំ២០២៥ របស់ក្រុមការងារយេនឌ័រ នៃអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ

ភ្នំពេញ៖នារសៀលថ្ងៃទី០៣ ខែកក្កដា ឆ្នាំ២០២៥ លោកស្រីឧត្តមសេនីយ៍ត្រី ឃឹម គង្គាបរមី អគ្គនាយករង នៃអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ បានអញ្ជើញដឹកនាំកិច្ចប្រជុំពិនិត្យវឌ្ឍនភាពការងារសម្រេចបានប្រចាំឆមាសទី១ និងលើកទិសដៅបន្ត ឆ្នាំ២០២៥ របស់ក្រុមការងារយេនឌ័រ នៃអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ ដោយមានការចូលរួមពីថ្នាក់ដឹកនាំ និងមន្រ្តីនគរបាលជាតិនារី នៃអគ្គនាយកដ្ឋានបច្ចេកវិទ្យាឌីជីថល ជាច្រើនរូបផងដែរ។

នាឱកាសនោះផងដែរ លោកស្រី ឧត្តមសេនីយ៍ត្រី ឃឹម គង្គាបរមី បានមានប្រសាសន៍កោតសរសើរ និងវាយតម្លៃខ្ពស់ចំពោះការខិតខំប្រឹងប្រែងបំពេញការងារប្រកបដោយភាពទទួលខុសត្រូវរបស់ថ្នាក់ដឹកនាំ រួមទាំងមន្រ្តីនគរបាលជាតិនារីទាំងអស់ដែលបានបំពេញការងារកន្លងមក។ ជាមួយគ្នានេះផងដែរ លោកស្រី ឧត្តមសេនីយ៍ត្រី បានផ្តល់ជាអនុសាសន៍ដល់មន្ដ្រីនគរបាលជាតិនារីទាំងអស់ត្រូវបន្តខិតខំប្រឹងប្រែងបំពេញការងារបន្ថែមទៀត ដើម្បីបម្រើជាឧត្តមប្រយោជន៍ដល់អគ្គនាយកដ្ឋានកាន់តែរីកចម្រើនបន្ថែមទៀត។

ក្នុងនោះផងដែរ លោកស្រី ឧត្តមសេនីយ៍ត្រី ឃឹម គង្គាបរមី បានផ្សព្វផ្សាយអំពីការអនុវត្តកម្មវិធីផ្តល់ប្រាក់ឧបត្ថម្ភរបស់រាជរដ្ឋាភិបាលសម្រាប់សមាជិក ប.ស.ស ជាស្រ្តីនគរបាលជាតិមានផ្ទៃពោះ និងកូនអាយុក្រោម ២ឆ្នាំ ជូនដល់មន្រ្តីនគរបាលជាតិនារី ដែលកំពុងបម្រើការងារនៅតាមនាយកដ្ឋាន/ស្ថានីយ៍ បានជ្រាបអំពីការអនុវត្តកម្មវិធីផ្តល់ប្រាក់ឧបត្ថម្ភរបស់រាជរដ្ឋាភិបាលសម្រាប់សមាជិក ប.ស.ស ជាស្រ្តីនគរបាលជាតិ មន្រ្តីពន្ធនាគារមានផ្ទៃពោះ និងកូនអាយុក្រោម ២ឆ្នាំ៕