អភិបាលខេត្តព្រះសីហនុ ណែនាំដល់សិស្សានុសិស្ស ឱ្យត្រូវខិតខំបន្តការសិក្សាប្រកបសដោយចំណេះដឹង ចំណេះធ្វើ និងបំណិនជីវិត

ភ្នំពេញ៖ ក្នុងពិធីសម្ពោធដាក់ឱ្យប្រើប្រាស់ជាផ្លូវការអគារសិក្សាថ្មី ១ខ្នង ស្មើ ៥បន្ទប់ នៃអនុវិទ្យាល័យសំរុង ដែលស្ថិតនៅឃុំសំរុង ស្រុកព្រៃនប់ ខេត្តព្រះសីហនុ នាថ្ងៃអាទិត្យទី៨ ខែធ្នូ ឆ្នាំ២០២៤ ឯកឧត្តម ម៉ាង ស៊ីណេត អភិបាលនៃគណអភិបាលខេត្តព្រះសីហនុ បានធ្វើការណែនាំដល់ក្មួយៗសិស្សានុសិស្សត្រូវខិតខំបន្តការសិក្សារៀនសូត្រប្រកបសដោយចំណេះដឹង ចំណេះធ្វើ និងបំណិនជីវិត ប្រកបដោយក្រម សីលធម៌ វិជ្ជាជិវ:ប្រកួតប្រជែងថ្នាក់ខេត្ត និងរាជធានី ក្មួយៗនិងជួបជាមួយនឹងធនធានមនុស្សប្រទេសជិតខាងរបស់យើងនៅពេលខាងមុខ ដូច្នេះក្មួយៗនឹងក្លាយជាទំពាំងស្នងឬស្សី ហើយអាកំបាំង នៃភាពជោគជ័យ គឺត្រូវខិតខំឧស្សាព្យាយាមការសិក្សានៅសាលា នៅផ្ទះ ការរៀនជាក្រុមធ្វើឱ្យយើងមានការចងចាំបានល្អប្រសើរ។ ភាពជោគជ័យ វាកើតឡើងបានដោយសារពីជោគជ័យតូចជាច្រើនបូកបញ្ចូលគ្នា យើងជាយុវជនជំនាន់ក្រោយត្រូវដាក់គោលដៅរបស់ខ្លួន ដើម្បីកុំឱ្យមាន ការស្តាយក្រោយ ព្រោះយើងមាន ឱកាស ដើម្បីអនាគតខ្លួនឯង ក្រុមគ្រួសារ ម្យ៉ាងទៀត ដើមហេតុនៃបរាជ័យ គឺជាភាពខ្ចិលច្រអូសរបស់ក្មួយៗ ដូច្នេះត្រូវខិតខំសិក្សារៀនសូត្រ ដើម្បីអនាគតរបស់ក្មួយនៅពេលខាងមុខ។

ឯកឧត្តមអភិបាលខេត្ត បានបញ្ជាក់ថា រាជរដ្ឋាភិបាលកម្ពុជា នីតិកាលទី៧ នៃរដ្ឋសភា បានដាក់ចេញនូវវិធានការគន្លឹះលើវិស័យអប់រំមានចំនួន៥ គឺ៖ ទី១.ការពង្រឹងសមត្ថភាពរដ្ឋ បាលសាធារណៈ, ទី២.ការលើកកម្ពស់គុណភាពអប់រំ, ទី៣.ការលើក កម្ពស់សុខភាពសេវាសុខាភិបាល, ទី៤.ការពង្រឹងការអនុវត្តគោល នយោបាយភូមិឃុំមានសុវត្ថិភាព ដើម្បីប្រយុទ្ធប្រឆាំងការជួញដូរ និងប្រើប្រាស់គ្រឿងញៀន និងទី៥.ការលើកកម្ពស់គុណភាព និងប្រសិទ្ធភាពនៃប្រព័ន្ធយុត្តិធម៌។ តាមរយៈក្រសួងអប់រំយុវជន និងកីឡាបានយកចិត្តទុក ដាក់ និងដាក់ចេញនូវកម្មវិធីផ្សេងៗសំដៅលើកកម្ពស់គុណភាពអប់រំ ដោយផ្តោតលើការពង្រឹងគុណភាពសាលារដ្ឋ ចាប់ពីថ្នាក់មត្តេយ្យសិក្សា ដល់មធ្យមសិក្សាតាមរយៈវិធានការចំនួន៤ រួមមាន៖ ទី១.ការពង្រឹងអភិបាលកិច្ច, ទី២.ការពិនិត្យកែសម្រួល និងរៀបចំកម្មវិធីសិក្សា និងសកម្មភាពក្រៅម៉ោងសិក្សាឱ្យស្របទៅតាមតម្រូវការក្នុងការពង្រឹងចំណេះដឹង វិន័យ សីលធម៌ និងឥរិយាបថរបស់សិស្ស, ទី៣.ការយកចិត្តទុកដាក់លើសុខភាពរបស់សិស្ស តាមរយៈកម្មវិធីអាហារូប ត្ថម្ភដល់កុមារ ការត្រួតពិនិត្យគុណភាពចំណីអាហារនៅតាមសាលារៀន និងទី៤.ការជំរុញនឹងលើកទឹកចិត្តការចូលរួមរបស់មាតាបិតា និងសហគមន៍ ក្នុងការអប់រំស្របតាមពាក្យស្លោក «ភាពជាដៃគូរដ្ឋ និងសហគមន៍ ដើម្បីការអប់រំ»។ ទន្ទឹមនេះ រាជរដ្ឋាភិបាលកម្ពុជាបានកំពុងយកចិត្តទុកដាក់ខ្លាំង លើការអភិវឌ្ឍមូលធនមនុស្ស ក្នុងគោលបំណងធ្វើឱ្យប្រជាជនកម្ពុជា «មានចំណេះដឹងខ្ពស់ និងជំនាញមួយយ៉ាង តិចប្រចាំជីវិត»។

លោក អ៊ី ធារិន អភិបាលស្រុកព្រៃនប់ បានធ្វើរបាយការណ៍សង្ខេប ដោយគូសបញ្ចាក់ថា ដោយសារកំណើនសិស្សា នុសិស្សពីមួយឆ្នាំទៅមួយឆ្នាំមានការកើនឡើង ធ្វើឱ្យសាលាមានការខ្វះខាតនូវអាគារសិក្សា ដោយមើលឃើញនូវការខ្វះខាតអាគារសិក្សានេះ ក្រុមគ្រួសារឧបាសិកា ភូ ស៊ុនស៊ុយបានជួយកសាងអាគារសិក្សាមួយខ្នង មាន ៥បន្ទប់នៅក្នុងអនុវិទ្យាល័យ ដែលមានទទឹង បណ្តោយ ចំណាយថវិកាអស់ចំនួន ១២៥,១០៧ដុល្លាអាមេរិក មិនទាន់គិតពីការចំណាយផ្សេងៗមានដូចជា សួនច្បារ ចាក់សាប ចាក់ដីធ្វើផ្លូវ ធ្វើស៊ុមទអណ្តូង ធ្វើគំរបអណ្តូង ខ្លោងទ្វារ ។ល។ អគារសិក្សានេះឆ្លើយតបទៅនឹងគោលនយោបាយបញ្ចកោណដំណាក់កាលទី១ នៃរដ្ឋសភា ដើម្បីកំណើនការងារ សមធម៌ ប្រសិទ្ធភាព និងចីរភាព កសាងមូលដ្ឋានគ្រឹះឆ្ពោះទៅសម្រេចចក្ខុវស័យកម្ពុជាឆ្នាំ២០៥០ ៕