អភិបាលខេត្តបន្ទាយមានជ័យ សរសើរដល់កម្លាំងសមត្ថកិច្ចទាំង៣ក្នុងការការពារសន្តិសុខ សណ្តាប់ធ្នាប់បានល្អប្រសើរ
ភ្នំពេញ៖ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ បានសរសើរដល់កម្លាំងសមត្ថកិច្ចទាំង៣ក្នុងការការពារសន្តិសុខ សណ្តាប់ធ្នាប់បានល្អប្រសើរ។ ឯកឧត្តម ប្លែក វ៉ារី ប្រធានក្រុមប្រឹក្សាខេត្ត ឯកឧត្តម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ បានអញ្ជើញជាអធិបតី ក្នុងកិច្ចប្រជុំសាមញ្ញលើកទី៧ អាណត្តិទី៤ របស់ក្រុមប្រឹក្សាខេត្ត ដោយមានការចូលរួមពី ឯកឧត្តម លោកជំទាវ សមាជិកក្រុមប្រឹក្សាខេត្ត ថ្នាក់ដឹកនាំកងកម្លាំងប្រដាប់អាវុធទាំង៣ ប្រធានក្រុមប្រឹក្សា្រក្រុង ស្រុង អភិបាលរងក្រុង-ស្រុក ប្រធាន-អនុប្រធានអង្គភាពនានាជុំវិញខេត្ត នាព្រឹកថ្ងៃទី០៥ ខែធ្នូ ឆ្នាំ២០២៤ ធ្វើឡើងនៅសាលប្រជុំក្រុមប្រឹក្សាខេត្តបន្ទាយមានជ័យ។ ធ្វើសេច្តីរាយការណ៍នាឱកាសនោះ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ ដោយមានប្រសាសន៍ថា ពាក់ព័ន្ធការងារសន្តិសុខ គណៈបញ្ជាការឯកភាព ខេត្ត ស្រុក ក្រុង ដោយមានកងកម្លាំងសមត្ថិកច្ចទាំង៣ បានខិតខំប្រឹងប្រែងការពារសន្តិសុខ សណ្តាប់ធ្នាប់ជូនប្រជាពលរដ្ឋបានល្អប្រសើរ ពិសេសការពារសន្តិសុខ សណ្ដាប់ធ្នាប់សុវត្ថិភាព ជូនប្រមុខរាជរដ្ឋាភិបាលក៏ដូចជាប្រតិភូ អញ្ជើញមកក្នុងពិធីការងារសម្ពោធដាក់ឲ្យប្រើប្រាស់ជាផ្លូវការនូវសមិទ្ធផលនានាក្នុងតំបន់អភិវឌ្ឍន៍បឹងជង្រុកទទួលបានជោគជ័យ ។មួយវិញទៀត ក្នុងខេត្តបន្ទាយមានជ័យយើងកំពុងតែប្រមូលភោគផលស្រូវ បើទៅបីកន្លងមកខេត្តយើងជួបបញ្ហាគ្រោះរាំងស្ងួត ប៉ុន្តែក្រៅពីគ្រោះរាំងស្ងួតបន្តិចបន្តួចនេះឃើញថាផលស្រូវមានលក្ខណៈល្អប្រសើរ ស្រូវ៥៤ តម្លៃជិត១លានក្នុង១តោន ចំពោះ តម្លៃទីផ្សារក៏គ្មានបញ្ហាដែរ ដោយមានការសម្របសម្រួលជាប្រចាំពីក្រុមការងារក្រសួងកសិកម្មនិងមន្ទីរកសិកម្ម ពាណិជ្ជកម្មបានដើរតួយ៉ាងសំ ខាន់ជាមួយក្រុមហ៊ុន បៃតង។ ដើម្បីឲ្យខេត្តបន្ទាយមានជ័យ ផ្តល់សេវាសាធារៈល្អជាងគេនោះ ឯកឧត្តមប្រធានក្រុមការងាររាជរដ្ឋាភិបាលបានផ្តល់មនន្ត្រីស្ម្គចិត្តចំនួន២នាក់ សម្រាប់ក្រុង ស្រុកនិង១នាក់សម្រាប់ឃុំ សង្កាត់ ក្នុងផ្តល់សេវាតម្រូវការជូនប្រជាពលរដ្ឋ ។ មួយវិញទៀតសេវាសំណូមពរយើងកំពុងធ្វើការដោះស្រាយជាបន្តបន្តាប់ តាមរយៈការអភិវឌ្ឍ កញ្ចប់ថវិកា ខេត្ត និងស្រុក ក្រុង ឃុំ សង្កាត់ សហការជាមួយដៃគូអភិវឌ្ឍក៏ដូចជាសម្បុរសជននានា ។កាលពីថ្ងៃទី០២ ធ្នូ កន្លងមកនេះ ភាគីកម្ពុជា-ថៃ បានឯកភាពគ្នាបើកឥ្យដំណើររថយន្តធំចេញ ចូលច្រកស្ទឹងបត់ ចាប់ពី៦ម៉ោងព្រឹក ដល់ម៉ោង១០យប់ ។ តន្ទឹមនោះដែរព្រំដែនរវាងខេត្តបន្ទាយមានជ័យ និងខេត្តស្រះកែវ នៃប្រទេសថៃ គឺមានភាពល្អប្រសើររវាងភាគីទាំងសងខាងក្នុងនោះ ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញទៅចូលរួមពិភាក្សាការងារស្ដីពីទំនាក់ទំនងព្រំដែន ជាមួយរដ្ឋមន្ត្រីនៃប្រទេសថៃ ដោយផ្ដោតសំខាន់ទៅលើការងារតាមព្រំដែន ដោយជំរុញឲ្យមានភាពល្អប្រសើរក្នុងការនាំចេញ ក៏ដូចជានាំចូលនៅទំនិញរវាងប្រទេសទាំងពីរ។ ជាមួយគ្នានោះដែរ ឯកឧត្តម ប្លែក វ៉ារី ប្រធានក្រុមប្រឹក្សាខេត្ត ក៏បានថ្លែងអំណរគុណចំពោះ ឯកឧត្តម លោកជំទាវ សមាជិក ក្រុមប្រឹក្សាខេត្ត ឯកឧត្តមអភិបាលខេត្ត លោក លោកស្រីចូលរួមប្រជុំ អភិបាលរងខេត្ត កងកម្លាំងប្រដាប់អាវុធទាំង៣ប្រភេទ ប្រធានក្រុមប្រឹក្សា ស្រុក ក្រុង ប្រធាន អនុប្រធានមន្ទីរ អង្គភាពទាំងអស់ ដែលបានអញ្ជើញចូលរួមប្រជុំនាថ្ងៃនេះ ។ មួយវិញទៀតកិច្ចប្រជុំថ្ងៃនេះ សម្រេចបានលទ្ធផលបានអនុម័តចំនួន៥ចំណុចសំខាន់ៗនោះផងដែរ៕
