ឧត្តមសេនីយ៍ឯក ហោ សំអាត ចូលរួមកិច្ចប្រជុំស្តីពី ការរៀបចំដាក់ឱ្យដំណើរការជាផ្លូវការ ប្រព័ន្ធគ្រប់គ្រងបទល្មើស
ភ្នំពេញ៖ ឯកឧត្តម ឧត្តមសេនីយ៍ឯក ហោ សំអាត អគ្គនាយក នៃអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ នាថ្ងៃពុធ ទី៦ ខែវិច្ឆិកា ឆ្នាំ២០២៤ បានអញ្ជើញចូលរួមកិច្ចប្រជុំស្តីពីការរៀបចំដាក់ឱ្យដំណើរការជាផ្លូវការប្រព័ន្ធគ្រប់គ្រងបទល្មើស (Crime Management System -CMS) ក្រោមអធិបតីភាព ឯកឧត្ដម នាយឧត្ដមសេនីយ៍ ប៉ោ ភក្កិ រដ្ឋលេខាធិការ ក្រសួងមហាផ្ទៃ និងជាប្រធានក្រុមការងារចំពោះកិច្ច ដើម្បីសិក្សាអំពីការបង្កើតប្រព័ន្ធគ្រប់គ្រងទិន្នន័យឧក្រិដ្ឋជន កិច្ចប្រជុំនេះមានការ ថ្នាក់ដឹកនាំអគ្គនាយក នៃអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ និងមន្ត្រីពាក់ព័ន្ធតាមបណ្តាអង្គភាព ចំណុះក្រសួងមហាផ្ទៃ ជាច្រើនរូបទៀតផងដែរ។
ឯកឧត្តម នាយឧត្តមសេនីយ៍ ប៉ោ ភក្តិ បានមានប្រសាសន៍ថា កិច្ចប្រជុំនេះគឺធ្វើឡើង ដើម្បីពិនិត្យលើផែនការការងារក្នុងការអនុវត្តប្រព័ន្ធគ្រប់គ្រងបទល្មើស (Crime Management System -CMS) ប្រកបដោយប្រសិទ្ធភាព និងទទួលបានជោគជ័យតាមដំណាក់កាលជាក់ស្តែងស្របតាមផែនការសកម្មភាពដែលបានដាក់ចេញ សម្រាប់គ្រប់អង្គភាពពាក់ព័ន្ធទាំងអស់៕
