ឧត្តមសេនីយ៍ទោ សួស សុខដារ៉ា អញ្ជើញបើកវគ្គបណ្តុះបណ្តាលស្តីពីលំហាត់របៀប ការស្លៀកពាក់ឯកសណ្ឋានក្រមសីលធម៌វិជ្ជាជីវៈនគរបាល និងកិច្ចប្រជុំបូកសរុបលទ្ធផលកិច្ចប្រតិបត្តិការប្រចាំឆមាសទី១ ឆ្នាំ២០២៤ និងលើកទិសដៅការងារបន្ត
ភ្នំពេញ៖ នៅថ្ងៃចន្ទ ទី០៣ ខែមិថុនា ឆ្នាំ២០២៤ ស្នងការដ្ឋាននគរបាលខេត្តព្រះវិហារ បានរៀបចំពិធីបើកវគ្គបណ្តុះបណ្តាលស្តីពីលំហាត់របៀប ការស្លៀកពាក់ឯកសណ្ឋានក្រមសីលធម៌វិជ្ជាជីវៈនគរបាល និងកិច្ចប្រជុំបូកសរុបលទ្ធផលកិច្ចប្រតិបត្តិការប្រចាំឆមាសទី១ ឆ្នាំ២០២៤ និងលើកទិសដៅការងារបន្ត ក្រោមអធិបតីភាពលោកឧត្តមសេនីយ៍ទោ សួស សុខដារ៉ា ស្នងការនគរបាលខេត្ត។
ក្នុងពិធីដែរក៏មានការអញ្ជើញចូលរួមពីលោក លោកស្រីឧត្តមសេនីយ៍ វរសេនីយ៍ស្នងការរង លោកអនុផែន លោក លោកស្រីនាយ នាយរងការិយាល័យ លោក លោកស្រីអធិការ អធិការរងក្រុង.ស្រុកទាំង០៨ លោកនាយប៉ុស្តិ៍នគរបាលរដ្ឋបាលទាំង ៥១ប៉ុស្តិ៍សរុប ២៣០នាក់ ស្រី ១០នាក់ និងសិក្ខាកាមត្រូវចូលរៀនវគ្គបណ្តុះបណ្តាលនៅស្នងការដ្ឋាននគរបាលខេត្តចំនួន ០២វគ្គ សរុបសិក្ខាកាមទាំងអស់ចំនួន ៣២០នាក់ ស្រី ២៩នាក់ សិក្ខាកាមត្រូវចូលរៀនវគ្គ១ ចំនួន ១៥៩នាក់ ស្រី ១៨នាក់។
ក្នុងកិច្ចប្រជុំនេះដែរ លោកឧត្តមសេនីយ៍ត្រី ឆយ បូរិន ស្នងការរងផែនការងារសេនាធិការ អានរបាយការណ៍បូកសរុបលទ្ធផលកិច្ចសហប្រតិបត្តិការប្រចាំឆមាសទី១ ឆ្នាំ២០២៤ ជូនអង្គពិធី។ បន្ទាប់មកលោកឧត្តមសេនីយ៍ត្រី ឌិន ស៊ីដារ៉េត ស្នងការរងផែនការងារធនធានមនុស្ស អានរបាយការណ៍ការបើកវគ្គបណ្តុះបណ្តាល ស្តីពីលំហាត់របៀប ការស្លៀកពាក់ឯកសណ្ឋាន ក្រមសីលធម៌វិជ្ញាជីវនគរបាលជូនអង្គពិធី។
ជាកិច្ចបន្ត លោកឧត្តមសេនីយ៍ទោ សួស សុខដារ៉ា ស្នងការនគរបាលខេត្ត បានមានប្រសាសន៍ដឹកនាំយ៉ាងម៉ឺងមាត់ ដល់កងកម្លាំងក្រោមឱវាទ ឲ្យយកចិត្តទុក្ខដាក់សិក្សារៀនសូត្រ និងគោរពវិន័យ និងក្រមសីលធម៌វិជ្ញាជីវនគរបាល ឲ្យសមជាមន្រ្តីនគរបាលជាតិ លោកបានបន្តទៀតថា គ្រប់ផែន គ្រប់ការិយាល័យជំនាញ និងអធិការដ្ឋានទាំង០៨ ត្រូវគ្រប់គ្រងបញ្ជីរវត្តមានមន្រ្តីក្រោមឱវាទឲ្យបានត្រឹមត្រូវ និងធ្វើរបាយការណ៍បញ្ជួនមកការិយាល័យបុគ្គលិកឲ្យបានទៀងទាត់រៀងរាល់១ខែម្តង ជាពិសេសត្រូវគ្រប់គ្រងមុខសញ្ញាចាស់ថ្មីឲ្យបានដើម្បីងាយស្រួសក្នុងការបង្ការ ទប់ស្កាត់ និងបង្រ្កាបទាន់ពេលវេលា។
ជាទីបញ្ចប់ លោកឧត្តមសេនីយ៍ទោ ស្នងការ មានការគោតសសើរដល់កងកម្លាំង ដែលតែងតែយកចិត្តទុក្ខដាក់បំពេញតួនាទីភារកិច្ចទៅតាមជំនាញ និងបង្ការ បង្រ្កាប ទប់ស្តាត់រាល់បទល្មើសក្នុងភូមិសាស្រ្តខេត្ត និងបម្រើប្រជាពលរដ្ឋបានល្អប្រសើរ ៕
