បរទេស៖ នៅក្នុងរលកនៃការចាប់ខ្លួនចុងក្រោយនេះ ទីភ្នាក់ងារស៊ើបការណ៍សម្ងាត់របស់ប្រទេសតួកគី (MIT) បានឲ្យដឹងថា អាជ្ញាធរបានចាប់ខ្លួនមនុស្ស ០៦នាក់ និងចោទប្រកាន់ពួកគេពីបទធ្វើចារកម្មសម្រាប់សេវាចារកម្ម Mossad របស់អ៊ីស្រាអែល។
កាលពីថ្ងៃអង្គារសប្តាហ៍នេះ ប៉ូលីសទួរគីបានឃាត់ខ្លួនមនុស្ស ០៧នាក់ទៀតដែលសង្ស័យថាបានលក់ព័ត៌មានទៅឱ្យទីភ្នាក់ងារចារកម្មអ៊ីស្រាអែល Mossad។
កាលពីខែមុន មនុស្ស ០៧នាក់ផ្សេងទៀត រួមទាំងអ្នកស៊ើបអង្កេតឯកជន ត្រូវបានចាប់ខ្លួនដោយមានការសង្ស័យស្រដៀងគ្នានេះ។ ហើយនៅដើមខែមករា មនុស្ស ៣៤នាក់ក៏ត្រូវប៉ូលិសតួកគីឃាត់ខ្លួនពីបទសង្ស័យធ្វើចារកម្មឱ្យអ៊ីស្រាអែល។
មេដឹកនាំទួរគី និងអ៊ីស្រាអែលបានដោះដូរការបិទមាត់សាធារណៈចាប់តាំងពីសង្គ្រាមរបស់អ៊ីស្រាអែលជាមួយក្រុមភេរវករប៉ាឡេស្ទីន Hamas បានចាប់ផ្តើមកាលពីខែតុលាឆ្នាំមុន។
តួកគីបានព្រមានអ៊ីស្រាអែលអំពីផលវិបាកធ្ងន់ធ្ងរ ប្រសិនបើខ្លួនព្យាយាមតាមប្រមាញ់សមាជិកក្រុមហាម៉ាស់ ដែលរស់នៅក្រៅទឹកដីប៉ាឡេស្ទីន រួមទាំងនៅក្នុងប្រទេសទួរគី។
ជនសង្ស័យដែលត្រូវបានចាប់ខ្លួនកាលពីខែមករា ត្រូវបានគេចោទប្រកាន់ពីបទរៀបចំផែនការធ្វើសកម្មភាពដែលរួមមានការឈ្លបយកការណ៍ និងការដេញតាម វាយដំ និងចាប់ជំរិត ជនបរទេសដែលរស់នៅក្នុងប្រទេសទួរគី។
ប្រភព៖ First Post
ប្រែសម្រួលដោយ៖ ឡាយ លីហួ
