នាយករដ្ឋមន្ត្រីថៃ ត្រៀមជម្លៀសប្រជាជនថៃ ចេញពីប្រទេសអ៊ីស្រាអែល ខណៈប្រជាជនថៃ១២នាក់ត្រូវបានសម្លាប់

បាងកក៖ នាយករដ្ឋមន្ត្រីថៃ លោក ស្រេតថា ថាវីស៊ីន បានបញ្ជាឱ្យត្រៀមលក្ខណៈ ដើម្បីជម្លៀសប្រជាជនថៃ ចេញពីប្រទេសអ៊ីស្រាអែល បន្ទាប់ពីមានការវាយប្រហារទ្រង់ទ្រាយធំ ដោយក្រុមសកម្មប្រយុទ្ធហាម៉ាស់ ចេញពីតំបន់ហ្គាហ្សា។

រដ្ឋាភិបាល​ថៃ​បាន​និយាយ​កាលពី​ថ្ងៃអាទិត្យ​ថា ប្រជាជន​ថៃ​ពីរ​នាក់​ត្រូវបាន​សម្លាប់ ប្រាំបី​នាក់​រងរបួស និង ១១ នាក់​ត្រូវបាន​ចាប់ខ្លួន​នៅក្នុង​អំពើហិង្សា​កាលពី​ចុង​សប្តាហ៍​។ ចំនួនអ្នកស្លាប់បានកើនឡើងដល់ ១២ នាក់គិតត្រឹមព្រឹកថ្ងៃចន្ទ។

នៅលើ X ដែលជាអតីត Twitter លោក រេតថា ថាវីស៊ីន បានថ្កោលទោសការវាយប្រហារលើអ៊ីស្រាអែល ហើយបាននិយាយថា លោកបានបញ្ជាឱ្យកងទ័ពអាកាសរៀបចំយន្តហោះយោធា និងស៊ីវិល ដើម្បីជម្លៀសប្រជាជនថៃ។

ប្រជាជនថៃជាង ២០,០០០ នាក់រស់នៅក្នុងប្រទេសអ៊ីស្រាអែល ដោយពួកគេភាគច្រើនធ្វើការក្នុងវិស័យសំណង់ និងកសិកម្ម។

របាយការណ៍ប្រព័ន្ធផ្សព្វផ្សាយដែលមិនមានការបញ្ជាក់បានឲ្យដឹងថា ប្រជាជនថៃត្រូវបានចាប់ធ្វើជាចំណាប់ខ្មាំងដោយក្រុមយុទ្ធជនហាម៉ាស ហើយបានផ្លាស់ទៅហ្គាហ្សា។

មានការភ័យខ្លាចថា ពលករចំណាកស្រុកហ្វីលីពីន និងអាស៊ីផ្សេងទៀត ប្រហែលជាត្រូវជាប់នៅក្នុងការប្រយុទ្ធគ្នាខ្លាំងបំផុតក្នុងប្រទេសអ៊ីស្រាអែលក្នុងរយៈពេលជាច្រើនទសវត្សរ៍។

ប្រភព៖ Nikkei Asia

ប្រែសម្រួលដោយ៖ {ឡាយ លីហួ}